சங்கவி

தாய்ப்பாசம்...

2012-01-31T00:14:00.000-08:00

இன்று கணவன் மனைவி ஏற்படும் பிரச்சனைகளால் நிறைய பிரிவுகள் ஏற்படுகின்றன தினமும் நாம் பத்திரிக்கையில் படிக்கும் செய்திகளில் இதுவும் ஒன்று. விவாகரத்து கேட்டு கியூவில் நிற்பவர்கள் ஏராளம் இதற்கு நிறைய காரணங்கள் உண்டு அதில் ஓர் முக்கியமான காரணம் தாய்ப்பாசம்...

மனைவிகள் சொல்லும் அதிக புகார் அம்மா பேச்சை கேட்கிறார். அம்மா பேச்சை கேட்டு என்னைத் திட்டுகிறார் இதனால் தனிக்குடித்தனம் போகலாம் என்றால் அம்மாவை விட்டு வர மறுக்கிறார் இது தான் அதிக குற்றச்சாட்டுகள். இந்த குற்றச்சாட்டுகள் இருந்தாலும் இன்றும் கூட்டுக்குடும்பம் இருக்கத்தான் செய்கிறது. கூட்டுக்குடும்பத்திற்கு முக்கிய காரணமே தாய்ப்பாசம்தான்.

இன்று மனைவி நாளை அம்மா நாளை மறுநாள் மாமியார் இதுதான் இன்றைய நிகழ்வு. நிறைய மனைவிகள் யோசிப்தில்லை நாளை நாமும் மாமியார் ஆகப்போகிறோம் அப்போது நம் மகனை நம்மிடம் இருந்து பிரித்தால் இதை யோசித்தால் போதும் இப்பிரச்சனைக்கு எளிய தீர்வு உண்டு.

ஒரு பெண் திருமணம் ஆகி கணவனிடம் வருகிறாள் அவள் கருவுற்றதற்கு முன் கணவன் மேல் இருக்கும் அன்பு கருவுற்றதற்கு அப்புறம் குறையத்துவங்குகிறது. தனக்கு குழந்தை பிறந்த பின் அத்தாய் தன் மகனை தன் கண்ணுக்குள் வைத்து காக்கிறாள் கூடவே தனது அனைத்து அன்பையும் குழந்தையின் மீது காட்டுகிறாள். குழந்தையின் ஒவ்வொரு அசைவையும் வைத்து அவனுக்கு என்ன வேண்டும் என்ன எதிர்பார்க்கிறான் என அவனை பார்த்து பார்த்து வளர்க்கிறாள். மகனின் முதல் ரசிகையே தாய். மகனுக்கு முதலில் தெரிவது தாய் தான் பின்பு தான் மற்றவர்கள். மகன் குப்புற விழுந்து, தவழ்ந்து, எழுந்து நின்று மேதுவாக விழுந்து விழுந்து நடந்து ஒவ்வொன்றையும் முதலில் ரசிப்பவள் தாய் மட்டுமே..

குழந்தைப்பருவத்திலேயே அம்மா மீது அதிக அன்பு கொள்கிறான். தன்னிடம் யார் விளையாடினாலும் அவன் அம்மாவைப் பார்த்த உடன் சிரிக்கும் சிரிப்பு இப்படியே எனக்கு உசிரு போய்விட வேண்டும் என்று தான் தாய் கூறுவாள். மகனுக்கு விபரத் தெரியும் போது தான் தன் அம்மா அப்பாவின் மனைவி என்று அவனுக்கு தெரியவருகிறது. மகனுக்கும் தாய்க்கும் உள்ள பாசத்திற்கு ஈடு இணை இல்லை.

மகனுக்கு திருமணம் செய்து வைக்கும் போது பெண் மகனுக்கு பிடிக்கிறதோ இல்லையோ தாய்க்கு நிச்சயம் பிடித்திருக்க வேண்டும் என்பது மகனின் விருப்பமாக இருக்கும். திருமணம் முடிந்து வரும் மருமகள் தன் மகன் மீது பொழியும் அன்பை தாய் ஏற்றால் அக்குடும்பத்தில் மகிழ்ச்சியே... தாய்ப்பாசத்திற்கு இவ்வுலகில் ஈடு இணை எதுவும் இல்லை..

ஆரோக்கியமான வாழ்விற்கு... வாழைப்பழம் சாப்பிடுங்கள்...

2012-01-30T02:56:00.000-08:00

நாம் கோவிலுக்குச் சென்று வழிபடும் போது கடவுளுக்கு படைக்கப்படும் பொருட்களில் வாழைப்பழம் முக்கியமானது. வீட்டில் எந்த விசேசமானலும் நமது இலையில் நிச்சயம் வாழைப்பழம் இருக்கும். நமது முன்னோர்கள் கூறிய முக்கனிகளில் ஒன்று வாழைப்பழம், பல மருத்துவ குணங்களைக்கொண்டது வாழைப்பழம், நமது சமூகத்தில் வாழைப்பழம் 100ல் 99 பேர் உயயோகப்படுத்துகிறோம். வாழைப்பழத்தின் வகைகள், அதில் உள்ள சத்துக்கள் மற்றும் அதன் மருத்துவ குணங்களை பார்ப்போம்.

வாழைப்பழம் :

வாழைப்பழம் முதலில் தோன்றியது ஆசியாவில். மத்திய அமெரிக்காவில் 350 வருடங்களாகத்தான் பிரபலம். அங்கிருந்து வட அமெரிக்காவிற்கு போனது. கொஞ்சம் கொஞ்சமாக வாழைப்பழத்தின் பயன்கள், மருத்துவக் குணங்கள் எல்லாம் தெரிய ஆரம்பிக்க, இப்போது காலை உணவின் முக்கிய அம்சமாகி விட்டது.

கி.மு 327 ல் அலெக்ஸாண்டர் இந்தியாவிற்கு படையெடுத்து வந்த போது வாழைப்பழத்தை விரும்பிச் சாப்பிட்டிருக்கிறார். திரும்பிப் போகும் போது கிரேக்க நாட்டிலும் மேலை நாடுகளிலும் அறிமுகப்படுத்தியதாகச் சொல்கிறார்கள். அரேபியர்கள் இதை அடிமை வியாபாரத்துடன் சேர்த்து விற்பனை செய்தனர். அடிமை வியாபாரிகள் தந்த பெயர் பனானா. அப்போது வாழைப்பழம் இப்போது போலப் பெரிதாக இருந்ததில்லை. விரல் நீளம்தான் இருக்கும். அரேபிய மொழியில் பனானா என்றால் விரல் என்று அர்த்தம். எல்லாப் பழங்களும் பழுக்கும் போது எத்திலீன் வாயுவை வெளிப்படுத்தும். வாழையில் அதிகமாக இருக்கும்.

வாழைப்பழ வகைகள்

செவ்வாழை

ரஸ்தாளி

கற்பூரவல்லி

பேயன்

பச்சைநாடன்

பூவன்

மொந்தன்

கதலி

நவரன்

குணங்கள்:

வாழை ஒரு மரமில்லாத மரம். மற்ற மரங்களுக்கு இருப்பதைப் போன்று கனத்த கெட்டியான அடிமரமோ, கிளைகளோ கிடையாது. 8௰ அடி உயரத்தில் மரம்போல் வளர்ந்தாலும் அதன் அடிமரம் அடுக்கடுக்கான மெல்லிய பட்டைகளாலானது. பலமாக காற்றடித்தாலும் மளுக்கென்று ஒடிந்து விடக் கூடியது. இந்தத் தண்டு பத்து அடி வரை வளர்ந்து 100 லிருந்து 150 பழங்கள் கொண்ட வாழைத் தாரையே தாங்கும் பலம் பெற்றிருப்பது எப்படி என்பது இயற்கையின் விந்தை.

இலைகள் நீண்டு பெரிதாக இருப்பதால் பழங்குடியினர் இதை வீட்டுக்கு கூரையாகவும், குடையாகவும் கூட உபயோகிக்கின்றனர். ஒரு மரம் ஒரு முறைதான் பழம் தரும். ஒரு சீப்பை கை என்றும், தனியாக ஒரு பழத்தை விரல் என்றும் ஆங்கிலத்தில் சொல்கிறார்கள். பல அடுக்கு சீப்புகள் கொண்டது ஒரு குலை. வாழைச் சீப்பு எப்போதும் மேல் நோக்கியே இருக்கும். வீட்டிலும் அதை அப்படியே வைத்தால்தான் கெடாமல் இருக்கும்.

வாழைப்பழத்தில் உள்ள சத்துக்கள்:

வைட்டமின் எ, பி1, பி2, பி6 மற்றும் வைட்டமின் சி இது தவிர பொட்டாசியம், நார்ச்சத்துகள் மெக்னீசியம் போன்றவையும் காணப்படுகிறது. அதிக அளவில் கார்போ ஹைட்ரேட் காணப்படுகிறது. கொழுப்பு காணப்படுவதில்லை.

வாழைப்பழத்தின் மருத்துவ குணங்கள்:

* இரசத்தாளி வாழை சுவையைக் கொடுக்கும்.

* செவ்வாழை பலமளிக்கும். மொந்தன் காமாலைக்கு நல்லது.

* பச்சைவாழை வெப்பத்தைக் குறைக்கும்.

* மலைவாழை சோகையை நீக்கும்.

* பேயன் வாழை குடற்புண் தீர்க்கும்.

* நவரை வாழை கரப்பான் நோயை அதிகப்படுத்தும்.

* வாழைப் பழத்தை உண்பதால் மலச்சிக்கல் நீங்குவதுடன் பித்த சம்பந்தமான நோய்கள் குறைகிறது.

* “நெப்ரைடிஸ்” என்கிற சிறுநீரக நோய், மூட்டுவலி, உயர் இரத்த அழுத்தம், குடற்புண் ஆகியவற்றை குணப்படுத்தவல்லது.

* உடல்நலனுக்கு எப்பொழுதும் முழுவதுமாக பழுத்த பழங்களையே சாப்பிட வேண்டும். மூளையில் “செரோடினின்” உருவாக வாழைப்பழம் உதவுகிறது.

* வாழைப்பழத்தை இதய நோய் உள்ளவர்கள் சாப்பிடலாம். மூளைக்கு வலுவூட்டும்.

* தினசரி இரவு உணவுக்குப் பின் இரண்டு மணி நேரம் கழித்து ஓரிரண்டு வாழைப்பழம் உட்கொள்வதால் மலச்சிக்கல், பித்த நோய்கள், மனநோய், மூர்ச்சை நீங்கும்.

* பெண்களுக்கு ஏற்படுகின்ற வெள்ளைப்போக்கு முதலியவை நீங்கும்.

* இரத்த அழுத்தம் நிதானமாக இருக்கும். குடற்புண் வராமல் தடுக்கும்.

* சத்துக்குறைவுள்ள குழந்தைகளுக்கு உடல் வலுப்பெறும்.

* கனிந்த வாழைப்பழத்தில் 5 மிளகை திணித்து திறந்த வெளியில் ஒரு இரவு வைத்து, அடுத்த நாள் காலையில் இந்த மிளகை சாப்பிட இருமல் நீங்கும். உட்கொண்ட உணவு உணவுக் குழாயில் சிக்கி வீக்கம் ஏற்பட்டு அவதியுறும் போது இப்பழம் சாப்பிட உணவுக் குழாயின் சிக்குண்ட பொருள் வயிற்றில் போய் சேர்ந்து விடும்.

* தினசரி ஒரு செவ்வாழை வீதம் தொடர்ந்து 40 நாட்களுக்குச் சாப்பிட்டு வந்தால் உடலில் புதிய இரத்தம் உற்பத்தியாகும். நரம்புகளுக்கு நல்ல பலம் ஏறும்.

* தொடர்ந்து 21 தினங்களுக்கு இரவு ஆகாரத்திற்குப் பின் ஒரு செவ்வாழை சாப்பிட்டு வந்தால் பல் சம்பந்தமான எல்லாக் கோளாறுகளும் நிவர்த்தியாகும்.

வாழைப்பழத்தை தவிர்க்க வேண்டியவர்கள் :

கொழுப்புச்சத்து அதிகம் உள்ளவர்களும், சிறுநீரகக் கோளாறு உள்ளவர்களும்,நீரழிவு நோய் உள்ளவர்களும் தவிர்க்க வேண்டும்.

நலமாய் வாழ மூச்சுப்பயிற்சி

2012-01-23T02:15:00.000-08:00

ஒரு கையை நெஞ்சிலும் இன்னொரு கையை அடிவயிற்றிலும் வைத்துக்கொண்டு நன்கு மூச்சை இழுங்கள். பிறகு மூன்று விநாடி கழித்து இழுத்த மூச்சை மெதுவாக வெளியே விடுங்கள். மூச்சு வெளியேறும்போது எந்தக் கை மேலே உயருகிறது? அடிவயிற்றில் உள்ள கைதானே? ஆழ்ந்து சுவாசித்தல் என்பது நுரையீரல்களில் சுவாசிப்பதுதான். இதுதான் உண்மையாக மூச்சை இழுத்துக்கொள்ளும் முறை.

எந்த வயதுக்காரரும் தரையில் தலையணை எதுவுமின்றி படுத்துக் கொண்டு இப்படி வயிற்றிலும் நெஞ்சிலும் கைகளை வைத்துக்கொண்டு சுவாசித்தால், நுரையீரல்களின் கீழ்ப்பகுதிக்கு நன்கு ஆக்சிஜன் கிடைக்கும்.இதனால் எல்லா உறுப்புகளும் வலுப்பெறும்.

ஆனால், 100க்கு 99 பேர் நெஞ்சினால்தான் சுவாசிக்கிறார்கள். குப்பை அள்ளும் லாரி போகும் போதும், வியர்வை நாற்றம், புகைப் பிடிப்பவர் விடும் மூச்சு நாற்றம் முதலியவற்றைக் தடுக்க மூச்சையும் மூக்கையும் இறுக்கிப் பிடித்துக் கொள்கிறோம் அல்லவா, அப்போது ஆக்ஸிஜன் நுரையீரல்களின் கீழ்ப்பகுதிகளுக்குச் செல்வதே இல்லை. உலகில் இப்படிச் சுவாசிப்பவர்களே அதிகம். நெஞ்சினால் சுவாசிப்பவர்கள் உலகில் 99 சதவிகிதம் பேர்களாம். ஆனால் இவர்கள் நலமுடன் வாழ்கிறார்களே! இது எப்படி? ஆனால் இவர்கள் மூச்சுவிடுதல் தொடர்பான நோய்களைப் பெற்றுக் கொண்டு வாழ்கிறார்கள். சரியாக மூச்சுவிடத் தெரியாதவர்களுக்குத் தான் உடம்பில் அங்கங்கே வலிகளும் காய்ச்சல் வகைகளும் எட்டிப் பார்க்கும்.

பிராணாயாமம் மற்றும் மூச்சுப்பயிற்சி செய்பவர்கள் காலையில் 5 நிமிடங்கள் மாலையில் ஐந்து நிமிடங்கள் என தரையில் படுத்துக்கொண்டு ஒரு கையை நெஞ்சிலும் இன்னொரு கையை அடிவயிற்றிலும் வைத்துக்கொண்டு மூச்சை மெதுவாக இழுத்து வெளியே விட்டால் நல்ல மாற்றம் தெரியும். எரிச்சல் வராது. பிறர் மேல் எரிந்து விழமாட்டீர்கள்.

அடுத்து ஆஸ்துமா, இதயநோய், ஒற்றைத்தலை வலி, காக்காய் வலிப்பு போன்ற நோய்கள் கட்டுப்படும். இந்த நான்கு நோய்களும் சரியாக மூச்சு விடத் தெரியாதவர்களுக்குத்தான் வருகின்றன என்கிறது கொலராடோவின் பெளல்டரில் உள்ள சர்வதேச மூச்சுப்பயிற்சி நிலையம்.

தரையில் படுத்துக்கொண்டு இப்படி ஆழ்ந்து சுவாசிக்கக் கற்றுக் கொண்டால் நுரையீரல்களின் கீழ்ப்பகுதிகளுக்கும் நன்கு ஆக்ஸிஜன் கிடைப்பதால் மனமும் உற்சாகமாக இருக்கும். நல்ல இரத்தம் எல்லா உறுப்புகளுக்கும் கிடைத்து விடுவதால் வாழ்நாளும் நீடிக்கிறது.

ஒரு நிமிடத்திற்கு எட்டு முதல் 14 முறையே சராசரி மனிதன் மூச்சுவிடுகிறான். ஆனால் நுரையீரல்களுக்கு நன்கு காற்று கிடைக்காதவர்கள் 20 தடவைக்கு மேல் சுவாசிக்கிறார்கள். இதேபோல் ஆண்கள் பெல்ட்டுகளை இறுக்கி அணிந்தாலும் பெண்கள் நாடாக்களை இறுக்கிக் கட்டினாலும் நன்கு மூச்சுவிட முடியாது. சேலை, வேட்டி, பேண்ட் என அனைத்தும் வயிற்றை அதிகம் அழுத்தாமல் இருக்குமாறு அணிய வேண்டும்.

மூச்சுவிடும் முறையை நன்கு கற்றுக்கொண்டால் மூளையையும் நம் கட்டுப்பாட்டுக்குள் கொண்டு வந்துவிடலாம். இரத்தத்தில் காடித் தன்மையும், காரத்தன்மையும் அதிகரிக்காமல் இருக்க வேண்டும். இதற்கு மூச்சுப் பயிற்சி உதவுகிறது.

முதல் பயிற்சி :
நேர்காணலுக்குச் செல்லும் போது இந்த முறையில் 5 நிமிடங்கள் சுவாசித்துவிட்டுப் புறப்பட்டால், நேர்காணலின் போது பதட்டம் ஏற்படாது. திடீர் இரத்தக்கொதிப்பு, ஸ்டிரோக் போன்றவற்றை இப்படி ஆழ்ந்து சுவாசிப்பதன் மூலம் கட்டுப்படுத்தலாம்.

இரண்டாவது பயிற்சி :
சம்மணமிட்டு உட்காருங்கள். மூக்கினால் மூச்சை இழுத்துக் கொள்ளுங்கள். பிறகு வாயைத் திறந்து அதை வெளியேற்றுங்கள். அடுத்து மூச்சை இழுக்காமல் தொடர்ச்சியாக ஊ…ஊ… என்று காற்றை ஊதுங்கள். இதற்குப் பிறகு முன்பு செய்தது போல மூக்கினால் இழுத்து வாயினால் வெளியேற்றி கடைசியல் ஊ….ஊ…. என்று ஊதுங்கள். மூன்று முறை இது போல் செய்யுங்கள்.

மூன்றாவது பயிற்சி :
நன்கு நிமிர்ந்து நின்று கொண்டு இரண்டு கைகளையும் பக்கவாட்டில் தூக்கியபடியே மூச்சை உள்ளுக்குள் இழுங்கள். தலைக்குமேல் கும்பிடுவது போல் கைகளை வைத்ததும் அப்படியே மீண்டும் பழையபடி பக்கவாட்டில் மெதுவாக இறக்கவும். இப்படி கைகளை இறக்கும் போது இழுத்த மூச்சை மெதுவாக வெளியேற்றுங்கள். இந்தப் பயிற்சியை காலை உணவிற்கு முன்பு பத்துமுறை செய்துவிட்டு புறப்பட்டால் அந்த நாள் முழுவதும் படுசுறுசுறுப்பாக இருக்கும். மற்ற இரு மூச்சுப் பயிற்சிகளையும் நீங்கள் செய்திருந்தால் உங்களிடம் ஒற்றைத் தலைவலி, எரிச்சல் முதலியன வாலாட்ட முடியாது. ‘இனிமையாகப் பழகும் அரிய மனிதர்’ என்று பெயர் பெற்றுவிடுவீர்கள்.

ஆழ்ந்து சுவாசிக்கும் இந்த மூச்சுப் பயிற்சியை அமெரிக்க டாக்டர்கள் பலரும் இரு வேளைகள் செய்கிறார்கள். ரெய்கி மருத்துவத்தில் இந்த ஆழ்ந்த மூச்சுப் பயிற்சி முக்கியமான குணப்படுத்தும் உத்தியாக இடம் பெற்றுள்ளது.

எனவே, எளிமையான இந்த சக்தி வாய்ந்த மூச்சப் பயிற்சியை இன்று முதல் ஆரம்பியுங்கள்.

அஞ்சறைப்பெட்டி 18-01-2012

2012-01-19T00:19:00.000-08:00

உள்ளுரில் இருந்து உலகம் வரை........

பொங்கல் கொண்டாட்டம் சிறப்பாக முடிந்து 4 நாட்கள் தொடர் விடுமுறைக்குப்பின் நேற்று தான் அலுவலகம் வந்தேன்.. இந்த வருடம் பொங்கல் கொண்டாட்டம் என் மகனுடன் கொண்டாடியதில் இதுவரை இல்லாத ஒரு புது சந்தோசம் இம்முறை.. காணும் பொங்கல் அன்று ஊரில் நடைபெற்ற சிறுசிறு விளையாட்டுடன் இந்த பொங்கல் நிறைவு பெற்றது.

இப்பொங்கல் திருவிழாவின் நான்கு நாட்களும் நான் தொலைக்காட்சியில் ஒரு நிகழ்ச்சி கூட பார்க்கவில்லை என்பது கூடுதல் மகிழ்ச்சி..

பொங்கலன்று காலை நண்பர்களுக்கு அனைவருக்கும் தொலைபேசியில் அழைத்து வாழ்த்து சொன்னதில் நண்பர்களுக்கு மிக்க மகிழ்ச்சி அவர்களிடம் பேசியதில் எனக்கும் மகிழ்ச்சி.

நிறைய நண்பர்கள் அலைபேசி என் இல்லாததால் அழைக்க இயலவில்லை அவர்கள் மன்னிக்க..

...............................................................................................

ஐஐடி மாணவர்களின் விந்தணுக்கள் தேவை என்று சென்னையில் உள்ள தம்பதி விளம்பரம் தந்துள்ளனர்.

இந்த விளம்பரம் இணையத்தளம் ஒன்றில் வெளியிடப்பட்டுள்ளது.

ஐஐடியில் படிக்கும் புத்திசாலியான, ஆரோக்கியமான, உயரமான, அழகான மாணவர்களின் விந்தணுக்கள் தேவை.
அதற்கு சன்மானமாக 20,000 ரூபாய் வழங்கப்படும் என்று தெரிவிக்கப்பட்டுள்ளது. தொலைபேசி எண்ணும், இ-மெயில்
முகவரியும் அளிக்கப்பட்டுள்ளது.

ஐஐடி, ஐஐஎம் போன்றவைகளில் படிக்கும் மாணவர்களின் விந்தணுக்களை பெற்று புத்திசாலித்தனமாக குழந்தைகளை
உருவாக்குவதே இதன் நோக்கம் என்று அந்த தம்பதி தெரிவித்துள்ளனர்.

இந்த விளம்பரம் ஐஐடி வளாகத்திற்குள் பெரும் பரபரப்பை ஏற்படுத்தியுள்ளது. இது குறித்து கருத்து தெரிவித்துள்ள மாணவர்கள், ஐஐடியில் படிப்பவர்கள் மட்டும் புத்திசாலிகள் அல்ல. இது முட்டாள்தனமான விளம்பரம் என்று கூறியுள்ளனர்.

இதற்கு பெயர் தான் காலக்கொடுமை என்பது.

...............................................................................................

இன்று 7வது நாளாக டேங்கர் லாரி வேலை நிறுத்தம் இதனால் கேஸ் சிலிண்டர் இல்லாமல் பாடு படும் இலட்சசம் பேர்களில் நானும் ஒருவன். இந்த கேஸ் சிலிண்டர் வேலை நிறுத்தத்தால் சிலிண்டர் விலை மீண்டும் உயர நிறைய வாய்ப்பிருக்கிறது.. இதை எல்லாம் மத்திய அரசாங்கம் கண்டு கொள்வது போல் தெரியவில்லை. பிரச்சனையை ஆரம்பத்திலேயே முடிக்காமல் கொஞ்ச நாட்கள் விட்டால் பொதுமக்கள் மிக அவதிக்குள்ளவார்கள் என்பதை முதலில் ஆட்சியாளர்கள் அறிய வேண்டும்..

................................................................................................

கடலூர் மாவட்டம் தற்போது தான் கொஞ்சம் கொஞ்சமாக பழைய நிலைக்கு திரும்பி வருகிறது இன்னும் பல இடங்களில் மின்சாரம், தண்ணீர் போன்ற அத்தியாவிசய பொருளுக்கு மிக கஷ்டப்பட வேண்டி இருக்கிறது என நண்பர்கள் சொன்னார்கள். சீக்கிரம் அவர்கள் மீண்டு வர நாம் வேண்டுவோம்..

................................................................................................

கடந்த சிலநாட்களாக குளிர் மிக அதிகமாக உள்ளது காலை 9 மணிக்கு கூட குளிர் போனபாடில்லை. குளிரால் பூக்களும், செடி, கொடிகளும் கருகிவிடுகின்றன. இதனால் பூக்கள் மற்றும் கீரைகளின் விலை மிக அதிகமாக ஏறிக்கொண்டு இருக்கிறது. இயற்கையை யாரும் ஒன்றும் செய்ய இயலாது.. குளிரை அனுபவித்துதான் ஆகவேண்டும்.

...............................................................................................

இன்னும் கொஞ்ச நாளில் நமக்கு இருக்கும் சுதந்திரம் பறிபோக வாய்ப்பிருக்கிறது ஆம் இணையத்தில் உள்ள சமூகவலைத்தளங்களில் நாம் அனைவரையும் போட்டுத்தாக்கிக்கொண்டு இருந்தோம் இவர்கள் நம் தாக்குதலை என்ன செய்யலாம் என்று யோசித்து சமூகவலைத்தளங்களை முடக்குவதற்கு ஏற்பாடு ஆகிக்கொண்டு இருக்கிறது. முடக்கினாலும் ஆச்சர்யப்படுவதற்கில்லை.

..................................................................................................

திருவேற்காட்டை சேர்ந்த சாந்தவேல் (வயது 39) என்ற அய்யப்ப பக்தர் சபரிமலை சென்றபோது அவர் மீது டீக்கடைக்காரர் ஒருவர் வெந்நீரை ஊற்றினார். இதில் உடல் வெந்த நிலையில் அங்குள்ள ஆஸ்பத்திரியில் சேர்க்கப்பட்ட சாந்தவேல் சிகிச்சைக்காக சென்னை கீழ்ப்பாக்கம் அரசு ஆஸ்பத்திரியில் அனுமதிக்கப்பட்டார்.

சிகிச்சை பலன் அளிக்காமல் நேற்று காலை அவர் உயிரிழந்தார். இது தொடர்பாக கீழ்ப்பாக்கம் போலீசார் சந்தேக மரணம் என வழக்கு பதிவு செய்துள்ளனர். சாந்தவேலுவின் மர்ம சாவு தொடர்பாக கேரள போலீசாரை தொடர்பு கொண்டும் சென்னை போலீசார் பேசியுள்ளனர். அப்போது அவர்கள் சாந்தவேல் கொலை செய்யப்படவில்லை என்றும் எதிர்பாராத விதமாக வெந்நீர் கொட்டியதால் அவர் இறந்துவிட்டார் என்றும் கூறியுள்ளனர்.

எதிர்பாராதவிதமாக வென்னீர் கொட்டப்பட்டதா இல்லை கோபத்தில் கொட்டப்பட்டதா என்று விவாதிப்பதிற்கு பதில் உயிர் இழந்தவன் குடும்பத்துக்கு யார் என்ன செய்கிறார்கள் என்று பார்ப்போம்...

..................................................................................................

அமெரிக்காவின் விர்ஜினியா மாகாணத்தில் உள்ள வரலாற்று புகழ் பெற்ற நகரமான சார்லொட்டஸ்வில்லே என்ற நகரத்தின் மேயராக இந்தியாவைச் சேர்ந்த சத்யேந்திர சிங் ஹூஜா என்பவர் தேர்ந்தெடுக்கப்பட்டு இருக்கிறார்.

கடந்த 1960 -ம் ஆண்டு இவர் அமெரிக்காவுக்கு குடிவந்தார்.தலைநகர் வாஷிங்டனில் இருந்து 193 கி.மீ. தென்மேற்கில் இந்த நகரம் உள்ளது. இங்கு மொத்தம் 43000 பேர் வசிக்கின்றனர்.

உத்தரகண்ட் மாநிலத்தை சேர்ந்த சிங் விர்ஜினியா பல்கலைக்கழகத்தில் பேராசியராகப் பணியாற்றுகிறார். அமெரிக்காவின் அதிபர்களாக இருந்த தாமஸ் ஜெபர்சன், ஜேம்ஸ் மேடிசன் மற்றும் ஜேம்ஸ் மன்றோ ஆகிய மூவரும், இந்நகரை சேர்ந்தவர்கள் என்பது குறிப்பிடத்தக்கது. இரண்டாண்டு கால மேயர் பதவியில், நகர மேம்பாட்டிற்காக உழைக்கப் போவதாக, சிங் உறுதியளித்துள்ளார்.

தகவல்

அமெரிக்காவின் நாசா மையம் விண்வெளியில் ஆய்வு நடத்த கெப்லர் டெலஸ் கோப்பை நிறுவியுள்ளது. அதன் மூலம் விண்வெளியில் புதிதாக ஒரு கிரகம் இருப்பது கண்டுபிடிக்கப்பட்டது.

பூமியை போன்றுள்ள அந்த கிரகத்துக்கு கெப்லர் 16-பி என பெயரிட்டுள்ளனர். இது மனித உயிர்கள் வாழும் தன்மை கொண்டது என விஞ்ஞானிகள் கண்டறிந்துள்ளனர்.

தற்போது டெக்சாஸ் பல்கலைக்கழக விண்வெளி விஞ்ஞானிகள் நடத்திய ஆய்வில் பூமியை போன்ற கெப்லர் 16-பி கிரகத்தில் 2 சூரியன்கள் உள்ளன. அவை அந்த கிரகத்தின் மேற்பரப்பில் இருக்கும் தண்ணீரை மிக வெப்பமாகவோ அல்லது மிகுந்த குளிராகவோ இருக்க செய்கிறது என கண்டுபிடித்துள்ளனர்.

அறிமுகபதிவர்

இந்த வார அறிமுக பதிவு சக்தி கல்விமையம் என்ற பெயரில் பள்ளி மாணவர்களுக்கான பயனுள்ள பதிவு.. இவர் ஒரு பிரபல பதிவர் தற்போது கல்விக்காக ஒரு இணையத்தை தொடங்கி மாணவர்களுக்கு இலவச சேவையை துவக்கி உள்ளர்ர் இவரின் இம் முயற்சிக்கு வாழ்த்துக்கள்...

http://www.sakthistudycentre.com/

தத்துவம்

சோம்பேறித்தனம் தான் அடிக்கடி பொறுமை என்ற பெயரில் தவறாகக் கணிக்கப்படுகிறது

சிக்கல்களை எதிர்கொள்ளும் போது கூடவே பல திறமைகளும் வெளிப்படுகின்றன.

பொங்கல், மாட்டுப்பொங்கல், கறிநாள்....

2012-01-13T02:29:00.001-08:00

நண்பர்கள்

அனைவருக்கும்

இனிய

தைத்திருநாள்

வாழ்த்துக்கள்...

அஞ்சறைப்பெட்டி 12.01.2012

2012-01-11T22:49:00.000-08:00

உள்ளுரில் இருந்து உலகம் வரை........

2012ல் முதல் அஞ்சறைப்பெட்டி கடந்த வாரம் எழுத இயலவில்லை அதற்கு காரணம் உடனுக்குடன் எனது தகவல்கள் எல்லாம் பேஸ்புக்கில் அப்டேட் செய்வதால் என்ன எழுதுவது என்று யோசித்து யோசித்து எழுத முடியாமல் போனது. வர வர பதிவுலகத்தைக்காட்டிலும் பேஸ்புக்மேல் காதல் அதிகமாகிக்கொண்டு போகின்றது.. இதனால் இந்த வாரம் திங்கட்கிழமையே எழுத ஆரம்பித்துவிட்டேன் அஞ்சறைப்பெட்டியை...

...............................................................................................

கடந்த வாரம் ஊருக்குச் சென்ற போது எங்கள் ஊரில் இருந்து ஈரோடு செல்ல 50 நிமிடங்கள்தான் ஆகும் ஆனால் தற்போது சாலை இருக்கும் கேவலமான நிலைக்கு 1.40 நிமிடம் ஆகிறது. அதுவும் இல்லாமல் காரில் சென்றால் வண்டி ஆடுகிற ஆட்டத்திற்கு எந்த பொருள் கழன்டு விடும் என்ற பயத்திலோயே வண்டி ஓட்ட வேண்டி இருக்கிறது. பவானி மேட்டூர் சாலைக்கு என்று தான் விடிவு காலம் வருமோ???

...............................................................................................

திருவாதரை அன்று காலை சிவன் கோயிலுக்கு சென்றால் நல்லாதாம் அதுவும் எனக்கு திருவாதரை நட்சத்திரம் என்பதால் நான் நிச்சயமாக செல்ல வேண்டும் என்று எனது மனைவி நடுராத்திரி 5 மணிக்கே எழுச்செய்து கோயிலுக்கு சென்றோம் அங்கு வரிசையில் 2 மணி நேரத்திற்கு மேல் நின்றோம் சிவனை தரிசிக்க. சன்னிதானம் வாசலுக்கு சென்றதும் விஐபி வருகிறார் என்று அங்கிருந்த சப்இன்ஸ்பெக்டர் விஐபிக்க என்ற பெயரில் ஒரு 50 பேரை உள்ளே அனுப்பினார் அவரைப்பார்த்து சார் நாங்க 2 மணி நேரத்துக்கு மேல் நிற்கின்றோம் என்ற கேட்டதற்கு ஒரு 5 நிமிடம் தான் பொறுத்துக்குங்க என்று கெஞ்சல் தோணியில் சொன்னார்... இப்போது பின்னாடி இருந்து ஒரு குரல் ரொம்ப வாங்கிட்டார் போல என்று... அவர் பேசாமல் அந்த இடத்தை விட்டு நகர்ந்தார். எங்கள் பக்கத்தில் இருந்த கான்ஸ்டபிள் ஒருவர் இவருக்கு கூளைகும்பிடு போடுறதே பொழுப்பா போச்சு என்று அவர் அடித்த கமெண்டில் சுத்தி இருந்தவர்கள் எல்லாம் சந்தோச புன்னகை...

இந்த கோயில் வரிசை விசயத்தில் கேரளாக்காரர்களை பாராட்ட வேண்டும் யாராக இருந்தாலும் வரிசையில் தான் வரவேண்டும் என்று ஒரு கட்டுப்பாடு இன்றும் தொடர்கிறது... ஆனால் நம்வூரில் பணம் இருந்தால் முன்னே இல்லாதவன் பொது தரிசனம் இந்த கொடுமையை அந்த கடவுள் தான் கேக்கனும்...

...............................................................................................

கடலூரை புரட்டிப்போட்டுவிட்டது தானே.. இது நாள் வரை இல்லாத பாதிப்பு இந்த முறை அதுவும் செல்போன் டவரால் பாதிக்கப்பட்ட வீடுகள் ஏராளமாம். பாவம் அந்த சோலைவனம் தற்போது பாலைவனமாகிவிட்டது என்பதில் மிக்க வருத்தம். இதற்காக அளிக்கப்படும் நிவாரண உதவிகளில் அங்கங்கு சத்தம் இருந்தாலும் நிவாரணப்பணிகள் ஒரளவு மனதை திருப்பி அளிக்க வைக்கிறது.

இந்த நிவாரணப்பணிக்காக திமுக சார்பில் 50 லட்சம் கொடுத்துள்ளது பாராட்டத்தக்கது அந்த பணம் முழுவதும் மக்களுக்கு சேர்ந்தால் மிக்க மகிழ்ச்சி... பணமாக கொடுப்பதற்கு பதில் நான்கு கிராமங்களை தத்து எடுத்து நிவாரண பணிகள் மேற்கொண்டு இருக்கலாம்..

................................................................................................

தமிழ் வாரப்பத்திரிக்கையில் என்னைப்பொறுத்த வரை மிகவும் மட்டாமான பத்திரிக்கை தர்மமே இல்லாத செய்திகளை வெளியிடும் பத்திரிக்கை எதுவென்றால் அது நக்கீரன் தான்.. அது போல் பத்திரிக்கை விற்பதற்கும், நக்கீரன் என்ற ஒரு பத்திரிக்கை இருப்பது எல்லோருக்கும் தெரிய வேண்டும் என்பதற்காக மாட்டுக்கறி மாமி என்று முதல்வரை கேவலமாக சித்திரிச்சு அதற்கு ஒரு செய்தியைப் போட்டுள்ளனர். இவர்கள் பத்திரிக்கை விற்பதற்கு பதில் வேறு பிழைப்பு பிழைக்கலாம்...

................................................................................................

தூத்துக்குடியில் மருத்துவர் கொல்லப்பட்டது மிகவும் கண்டிக்கத்தக்கது இதில் மாற்றுக்கருத்துக்கு இடம் இல்லை. ஆனால் அதைக்காரணம் காட்டி தமிழகம் முழுவதும் மருத்துவர்கள் மருத்துவமனையை புறக்கனித்ததால் எத்தனை அப்பாவி மக்கள் வேதனைப்பட்டு இருப்பார்கள் என்று அறிய வேண்டும். மருத்துவர்கள் எல்லாரும் தவறானவர்கள் என்று எங்கும் எப்போதும் சொல்ல விரும்பவில்லை ஆனால் பணத்திற்கு அடிமையாகிய நிறைய மருத்துவர்கள் நிச்சயம் இருக்கிறார்கள் இதை யாரும் மறுக்க இயலாது...

மருத்துவர்களே உங்கள் போராட்டத்தால் எத்தனை அப்பாவிகள் மனம் வேதனைப்பட்டு இருப்பர் என்று யோசித்துப்பாருங்கள்..

...............................................................................................

கடலூர், புதுவையில் புயலால் பாதிக்கப்பட்ட மக்களுக்கு நித்யானந்தா சாமியாரின் தியான பீட ஆசிரமம் நிவாரண உதவிகளை செய்து வருகிறது. புதுவை மாநிலம் ஏம்பலத்தில் தியான பீடம் ஆசிரமம் இருக்கிறது. இங்கிருந்து நிவாரண உதவிகளை செய்து வருகின்றனர். கொடுப்பதற்கு என்று ஒரு மனம் வேண்டும் அது நித்தியானந்தாவிற்கு இப்போது வந்திருக்கும் போல... எத்தனை திட்டினாலும் இவர் செய்யும் இச்செயல் மிகவும் பாராட்டத்தக்கது...

..................................................................................................

ஆஸ்திரேலியா சென்று உள்ள நம் இந்திய அணி மன்னைக்கவ்வுகின்றது உள்ளுரில் வெற்றி கொடி நாட்டும் நாம் வெளியூரில் டவுசர் கிழிய ஓட வேண்டி இருக்கு...

..................................................................................................

அமெரிக்கா நியூயார்க்கில் உள்ள கார்னல் பல்கலைக் கழக விஞ்ஞானிகள் புதிய வகை சிகரெட் ஒன்றை கண்டுபிடித்து உள்ளனர். திராட்சை விதையில் இருந்து இதை உருவாக்கி உள்ளனர். புகையிலையால் தயாரிக்கப்பட்ட சிகரெட் போல இந்த சிகரெட் உடல் நலத்தை பாதிக்காது. புகையிலை சிகரெட்டில் விஷத்தன்மை கொண்ட ரசாயணம் உள்ளது.

இத னால் புற்று நோய் ஏற்படுகிறது. ஆனால் புதிய வகை சிகரெட்டில் விஷதன்மை இருக்காது. இருந்தாலும் புகையிலை சிகரெட்டை புகைத்தால் என்ன உணர்வு ஏற்படுமோ அதே உணர்வு இந்த சிகரெட்டிலும் ஏற்படும்.

அதே நேரத்தில் புதிய சிகரெட் மூலம் புகையை உள்ளே இழுப்பதால் அதனால் சில பாதிப்பு ஏற்படும் என்று விஞ்ஞானிகள் கூறுகின்றனர். ஆனால் புகையிலை சிகரெட் போல அதிக பாதிப்பு ஏற்படாது என்பதால் புகை பழக்கத்தை கை விட முடியாதவர்கள். புதிய சிகரெட்டை புகைக்கலாம் என்று அவர்கள் தெரிவிக்கின்றனர்.

..................................................................................................

புத்தககண்காட்சியில் எனக்கு இரண்டு புத்தகங்கள் வேண்டும் என்று அண்ணன் வீடு திரும்பல் மோகன்குமாரிடம் கேட்டு இருந்தேன். அவர் மறக்காகமல் நான் கேட்ட கண்ணதாசனின் வனவாசமும், கவிஞர் மு.மேத்தாவின் கவிதைகள் புத்தகம் வாங்கி அனுப்பி இருந்தார் மிக்க மகிழ்ச்சி எனக்கு.

மோகன் அண்ணாவுக்கு மிக்க நன்றி...

..................................................................................................

அனைவருக்கும் தமிழர் திருநாளாம் பொங்கல் தின வாழ்த்துக்கள்...

பொங்கல் தினத்தன்று அனைவரும் தொலைக்காட்சியின் முன் உட்காரமால் குடும்பத்துடன் பொங்கல் வைத்து சந்தோசமாக பேசி சிரித்து மகிழுங்கள்... தொலைக்காட்சிக்கு அடிமையாகாதீர்கள்...

தை பிறந்தால் வழி பிறக்கும் என்பார்கள் இந்த தை திருநாளில் நண்பர்கள் அனைவருக்கும் சிறப்பாக அமைய வாழ்த்துக்கள்..

தகவல்

ஜெர்மனியில் உள்ள முயன்ஸ்டர் பல்கலைக்கழக பேராசிரியர் ஸ்டீபன் ஸ்கலாட் தலைமையிலான சர்வதேச விஞ்ஞானிகள் குழு ஆய்வகத்தில் எலிகளின் விந்தணுவை உருவாக்க ஆராய்ச்சி மேற்கொண்டனர். எலிகளின் “ஜெர்ம்” செல்களில் இருந்து அவற்றை தயாரித்துள்ளனர். அவை நல்ல சத்தானவையாகவும் மரபணு பாதிப்பு இல்லாதவையாகவும் உள்ளன.

எனவே இவற்றின் மூலம் எலிக் குட்டிகளை உருவாக்க முடியும் என இக்குழுவின் இஸ்ரேல் விஞ்ஞானி மகமூத் ஹலேகெல் தெரிவித்துள்ளார். இதே முறையில் ஆண்களின் விந்தணுவையும் உருவாக்க முடியும் என்றும் அவர் கூறியுள்ளார். ஆணின் விரையில் உள்ள “ஜெர்ம்” செல்களில் இருந்து இதே போன்று தரமான விந்தணுவை உருவாக்க முடியும்.

இதன் மூலம் ஆண்மையற்ற ஆண்கள் குழந்தை பெற்றுக் கொள்ள முடியும் என விஞ்ஞானிகள் கருதுகின்றனர். அதற்கான ஆய்வுகள் பரிசோதனை கூடத்தில் நடந்து வருகின்றன. தற்போது அவை தோல்வி அடைந்தாலும், விரைவில் அதில் வெற்றி பெறுவோம் என்று விஞ்ஞானி ஹலேகெல் தெரிவித்துள்ளார்.

அறிமுகபதிவர்

இந்த வார அறிமுக பதிவர் வான் மழை போற்றுவோம் என்ற பெயரில் தனது கவிதையை பதிவாக்கு வருகிறார் குமரன் அவர்கள்.. மிகவும் ரசிக்கவைக்கும் கவிதைகள் பதிவு... அனைவரும் நிச்சயம் அறிய வேண்டிய பதிவு...

http://kumarankrishnan.blogspot.com/2012/01/blog-post.html

தத்துவம்

முடியாதது என்று எதுவும் இல்லை..! ஆனால் எல்லாமே சுலபமாக முடிவதில்லை!.......!

தூக்கம் எப்போது குறைய ஆரம்பிக்கிறதோ அப்போதுதான் வாழ்க்கை
ஆரம்பிக்கிறது.

அறிவு ஒன்றுதான் அச்சத்தை முறிக்கும் அரிய மருந்து. அறிவை வளர்த்துக்கொண்டால் எல்லாவிதமான பயங்களும் அகன்றுவிடும்

எனது முகநூல் அப்டேட்ஸ்...

நதிகளை இணைக்க இதுவரை என்ன செய்திருங்கீங்க? ## ஒவ்வொரு மாநிலத்துக்கும் சண்டைய மூட்டிவிட்டு வேடிக்கை பார்த்திருக்கிறோம்...

வர்த்தகத்தில் சீனாவை முன்மாதிரியாக கருத வேண்டும்: ப.சிதம்பரம் ## அப்ப முந்தக்கூடாதா????

5 கோடியைத் தாண்டியது தமிழக வாக்காளர் எண்ணிக்கை: பிரவீண் குமார் ### அடுத்த வருடம் 6 கோடியை பிடிச்சுடுவமுள்ள...

புதிய அணைக்கு மக்கள் ஒப்புதல்: உம்மன் சாண்டி ### கேரள மக்களா ??? இல்லை உங்க அரசியல் மக்களா ???

சேது சமுத்திர திட்டம்: நிபுணர் குழு அறிக்கையை கேட்கும் சுப்ரீம் கோர்ட் ### தமிழ்நாட்டுக்கு அடுத்த பிரச்சனை கிடைச்சிடுச்சு...

இன்று காலை சிக்னலில் இருசக்கர வாகனத்தில் இருக்கும் போது இரண்டு மிஸ்டு கால்.. 3 வது காலை அட்டன் செய்தேன் இப்படி பேசியது...

ஏண்ணா இந்த தியேட்டர்ல பின் சீட்ல உட்கார்ந்து இருப்பவன் காலை விடுறான் !!!

விடுடி... கவலைப்படாதே இடைவேளையில் உன் முகத்தை பார்ப்பான்..!!!

உங்களுக்கு இந்த மாதிரி ஜோக்ஸ் வேண்டுமா 1யை பிரஸ் பன்டுங்க...

காலங்காத்தால கொலவெறி ஏத்திட்டானுக பிஎஸ்என்எல் காரணுக...

நண்பர்களே என்னை பேஸ்புக்கில் பின்தொடர search: sathish Sangkavi

பொண்ணு பார்க்க போனேன்...

2012-01-09T02:12:00.000-08:00

ரகுவிற்கு 35 வயதைக் கடந்து விட்டது ஆனால் இன்னும் திருமணம் ஆகவில்லை, குடும்பம் குடும்பம் என்று இருந்தவன் தற்போது தான் பெண் தேடிக்கொண்டு இருக்கிறான்.

அன்று காலை அவனை சந்தித்த அவன் சித்தப்பாவும் புரோக்கருமான பொன்னுசாமி செட்டிபட்டியில் பொண்ணு இருக்குது, அதுக்கு 32 வயசாகுது எனக்கு இப்பதான் இந்த ஜாதகம் கிடைத்தது, எங்க சின்ன மாமா கொடுத்தார் ரொம்ப நாள் ஆச்சாம் அவர் கைக்கு கிடைச்சாம்

ரகு உன் ஜாதகத்துடன் பொருந்தி போகின்றது இந்த பொருத்தம் பெண்ணின் பெயர் அருக்காணி அப்பா பெயர் ராக்கியாம் எப்படா பார்க்கபோகலாம், என்ன சித்தப்பு இப்படி சொல்றீங்க நாளைக்கு காலைல நானும் மாமாவும் முதலில் சென்று பொண்ணப்பார்க்கிறோம் அடுத்து கல்யாணந்தான் சரியா சித்தப்பு..

ரகு ரொம்ப சந்தோசமாக இருந்தான் எப்படியும் இந்த வரன் அமைந்து விட வேண்டும் தற்போது நாம் பார்க்கும் இந்த டாஸ்மார்க் வேலைக்கு பெண் கிடைப்பதே பெரிய விசயம் இந்த பெண் திருமணத்திற்கு சம்மதிக்க வேண்டும் என்று வேண்டாத சாமி எல்லாம் வேண்டினான்.

அடுத்த நாள் மாமவுடன் பெண் பார்க்க செட்டிபட்டிக்கு சென்ற போது உறவினர் ஒருவர் தென்பட அவரை அழைத்து எங்க, இந்த பக்கம்? என்று அவரை விசாரிக்கும் போது ராக்கி வீட்டில் இன்று சீர் (பெண் வயதுக்கு வந்த சடங்கு) அதுக்குத்தான் வந்தேன்.

நீங்க இந்த பக்கம் என்றதும் இல்ல நாங்களும் ராக்கி வீட்டுக்குத்தான் வந்தோம் என்று மாமா சமாளித்தார். பின் டேய் பெண் அப்பா பெயரை நல்லாப்பாரு? என்றதும் ராக்கின்னு போட்டு இருக்கு மாமா என்றான் ரகு..!

ரகுவிற்கு குழப்பம் என்னடா இது ரொம்ப நாளைக்கு அப்புறம் பெண் பார்க்க வந்தா அந்த வீட்டில் சீர் என்கிறார்கள் ஒரு வேளை நான் பார்க்க வந்த பெண்ணிற்கு சீர் இருக்குமோ? என்று குழம்பினான், பெண்ணின் பெயரைப் பார்த்தான் அருக்காணி என்று இருந்தது. மாமாவை அழைத்து மாமா பெண் பெயர் அருக்காணி அப்பா பெயர் ராக்கி முதலில் விசாரிக்கலாம் மாமா அதற்கு பின் அவர்கள் வீட்டுக்கு போகலாம் என்றான்!!

நெருங்கிய உறவினரான கருப்புசாமி பேருந்தில் இருந்து இறங்க வர மாமா கருப்புசாமியை அழைத்து எங்க இந்த பக்கம் சீருக்கா என்றார், ஆமாம் நம்ம ராக்கி வீட்டில் சீருக்கு வந்தேன். ஒ! அப்படியா சரி ராக்கி வீட்டில் யாருக்கு சீர்? ராக்கி பெண் அருக்காணிக்கா? என்ற கேட்க கருப்புசாமி சிரித்துக்கொண்டே விளையாடதைய்யா...

ராக்கி பேத்தி ஸ்வர்ணாவிற்கு என்றதும் ரகுவிற்கு கொஞ்சம் சந்தோசம் அப்ப அருக்காணி என்பது ராக்கியோட பொண்ணுதானே என்று ரகு கேட்டதும் ஆமாங்க தம்பி என அவர் சொன்னதும் ரகுவிற்கு மனதில் நிம்மதி.

உடனே மாமா நாங்க ராக்கி வீட்டுக்குத்தான் பொண்ணு பார்க்க வந்திருக்றோம் என்றதும் கருப்புசாமி அப்படியா ராக்கிக்கு ஒரு பொண்ணு ஒரு பையன் பையனுக்கு ஒரு பொண்ணு இருக்கு உடனே ரகு அருக்காணிங்கிறது யாருங்க??? அதுவா தம்பி இன்னிக்கு சீர் நடக்குதே அந்த பொண்ணோட அம்மா...

என்னது நான் பார்க்க வந்த பொண்ணுனோட பெண்ணிற்கு சீர்ரா.....??????

( சீர் என்றால் பெண் வயதுக்கு வந்தவுடன் நடக்கு சடங்கிற்கு எங்கள் வட்டார வழக்கில் சீர் என்று பெயர்)

2012ம் வருடமே நீ ! வருக !! வருக!!!

2011-12-30T00:05:00.000-08:00

மணித்துளிகள் எண்ணப்படுகின்றன 2011 இன்னும் பல மணித்துளிகளில் நமக்கு மறந்துவிடும். இவ்வருடம் நாம் சாதித்தது என்ன? என அசைபோட நேரமில்லை....

இதுவரை எது நடந்தாலும் அதை மறந்து விட்டு 2012யை வரவேற்க நான் தயாராகிவிட்டேன். 2012ல் நான் சாதிக்கப்போவது நிறைய இருக்கிறது ஒவ்வொரு முறை நிகழும் போது அன்பு நண்பர்களான உங்களுடன் பகிர்ந்து கொள்கிறேன்..

என் இனிய ஆங்கில புத்தாண்டு வாழ்த்துக்கள்...........

என்றும் அன்புடன்

சங்கமேஸ் (சதீஸ், சங்கவி)

www.sangkavi.com

www.vivasayam.com

அஞ்சறைப்பெட்டி + ஈரோடு சங்கமம் கிசு கிசு

2011-12-28T22:01:00.000-08:00

உள்ளுரில் இருந்து உலகம் வரை........

இந்த வருடத்தின் கடைசி அஞ்சறைப்பெட்டி ஒரு வருடமாக தொடர்ந்து வியாழக்கிழமைகளில் அஞ்சறைப்பெட்டி எழுதுவது மிகவும் சந்தோசமாக இருக்கிறது. ஆனால் முதலில் எழுதிய சுவாரஸ்யம் வர வர குறைந்து விட்டது என்பது எனக்கே நன்றாக தெரிகிறது. வரும் வருடம் நிறைய சுவாரஸ்யங்களுடன் நிச்சயம் எழுதுவேன் உங்கள் ஆதரவோடு...

கடந்த வருடத்தை அசைபோட்டால் எனக்கு 2011 ல் இழப்புகள் தான் அதிகம்.. இழப்புகளை தன்னம்பிக்கையோடு எதிர்த்து 2012யை சிறப்பாக இருக்கும் என எதிர்பார்க்கிறேன் எனக்கும் உங்களுக்கும்....

அனைவருக்கும் இனிய ஆங்கில புத்தாண்டு வாழ்த்துக்கள்...

...............................................................................................

கடந்த வாரம் 4 நாட்கள் விடுமுறையில் ஊருக்கு சென்றேன்.. ஊர் சுத்தலாம் என்று கோபிவரை சென்றேன் அந்தியூரில் இருந்து கோபி செல்லும் பாதை எங்கும் பச்சை பசேல் என இருபக்கங்களிலும் மனதை கொள்ளை அடித்தது..

வளைந்து நெழிந்து செல்லும் சாலை இருபுறமும் நெற்பயிர்கள் சாலையோரம் பனை மரங்கள் மற்றும் சாலையில் இருபுறமும் வாய்க்கால் என்று இதமான குளிரிலும் வெய்யிலிலும் சென்ற அந்த 40 நிமிட பயணம் இன்னும் மனதில் அசைபோடுகிறது...

...............................................................................................

திங்கட்கிழமை அப்பாவிற்கு கண் செக்கப்பிற்காக ஈரோடு அரசன் கண் மருத்துவமனை சென்றேன் கண்ணில் புரை உள்ளது அதை உடனடியாக அகற்றவேண்டும் என்றனர் இதற்கு முறையே 7000, 9000, 12000க்கு லென்ஸ் உள்ளது நீங்கள் இதற்கு முன் செய்த கண்ணிற்கு 9000 ரூபாய்க்கு லென்ஸ் வைத்துள்ளீர்கள் இதற்கும் அது தான் வைக்க வேண்டும் என்கின்றனர் அவருக்கு 65 வயதுக்கு மேல் ஆகிவிட்டது அவர் இலவச சிகிச்சை செய்து கொள்கின்றேன் என்று சொல்ல இலவச சிகிச்சை என்றால் அறுப்பார்கள் தையல் போடுவார்கள் அதெல்லாம் உங்களுக்கு சரிபடாது.

இலவச சிகிச்சையால் நிறைய பின்விளைவுகள் இருக்கும் என அங்கு பணிபுரியும் செவிலியர்கள் அப்பாவிடம் சொல்லி உள்ளனர். மீண்டும் நான் சென்று 9000 லென்ஸ் வைத்துக்கொள்கிறேன்.. ஏன் இலவச சிகிச்சை வேண்டாம் என்றேன் எனக்கும் அதே பதில் ஆனால் அந்த மருத்துவமனையில் தினமும் 50 பேருக்கு மேல் இலவச சிகிச்சை மேற்கொள்கின்றனர்... அப்ப அவர்களின் நிலை... பணத்திற்காக அவர்கள் சொல்லும் காரணங்கள் பாருங்க.... இதில் முக்கியமானது எனது தந்தைக்கு 9000 கொடுத்து கண்புரை நீக்கி 5 மாதம் தான் ஆகிரது ஆனால் அந்த கண் இப்போது ரொம்ப மங்களாகிவிட்டது... கண் மருத்துவமனைக்கு பார்த்து செல்லுங்கள்... காரணம் சொல்லியே பணம் பிடுங்கிடுவானுக...

...............................................................................................

அம்மா சசியை கழட்டி விட்டதில் மக்களிடம் மீண்டும் அம்மா நம்பிக்கைகுரியவர் ஆகிவிட்டார்... மக்களுக்கு அம்மா ஒரு நல்ல ஆட்சியை நிச்சயம் தருவார் என்ற எதிர்பார்ப்பு அதிகரித்துள்ளது என்றால் அது மிகையாகது... நிச்சயம் நடக்கும்... நல்லதே நினைப்போம்...

................................................................................................

தமிழ்நாட்டை தானே புயல் தாக்க அதிக வாய்ப்புள்ளதாகவும், அப்போது 105 கிலோமீட்டர் வேகத்தில் காற்றும் வீசம் என்று எதிர்பார்க்கப்படுகிறதாம் சென்னை மக்கள் தான் அதிகம் பாதிக்கப்படுவார்களாம்.. புயல் தாக்குதவற்கு முன் அனைவருக்கும் அறிவுருத்தப்பட்டு விட்டது இப்போது தெரியும் மாநகராட்சியில் எப்படி இந்த புயலை எதிர்கொண்டு மக்கள் தேவையை சரிசொய்யப்போகிறார்கள் என்று பொறுத்திருந்து பார்ப்போம்...

................................................................................................

சமீபத்தில் பழவேற்காட்டில் நடந்த துயர சம்பவம் மிகவும் வருத்தத்திற்கு உரியது. இனி குடும்பமாக சுற்றலா சென்றால் பார்த்துதான் செல்ல வேண்டும் போல... அதுவும் இல்லாமல் அனுமதி இல்லா இடங்களில் இது போல் படகு சவாரி செய்வதை அனைவரும் தவிர்க்க வேண்டும் அப்படி சென்றால் பாதுகாப்பு கவசம் அனிந்து செல்லுங்கள்.. போனால் கிடைக்காது உயிர்..

தகவல்

மீனிலிருந்து எடுக்கப்படும் எண்ணெய் இரத்த புற்றுநோயை கட்டுப்படுத்தும் தன்மையுடையது என இந்திய ஆராய்ச்சியாளர் சந்தீப் பிரபு கூறுயுள்ளார்.

மீன்களில் உள்ள ஒமேகா-3 என்னும் அமிலத்தில் இருந்து தயாரிக்கப்படும் டெல்டா-12-ப்ரோடாக்லாண்டின் ஜே3 அல்லது டி12-பிஜிஜே3 என்ற சேர்மம் ரத்த புற்றுநோய்க்கு காரணமாக இருக்கும் திசுக்களை அழிக்கும் சக்தி உள்ளது என ஆராய்ச்சியில் தெரியவந்துள்ளது.

இந்த ஆராய்ச்சியில் ரத்த புற்றுநோய் உள்ள எலிகளுக்கு 7 நாட்கள் இந்த சேர்மம் கொடுக்கப்பட்டது. பின்னர் பரிசோதித்தபோது அந்த எலிகள் அனைத்தும் குண்மடைந்து இருப்பது தெரிய வந்துள்ளது. ரத்தத்தில் அணுக்களின் எண்ணிக்கை சரியான அளவில் இருந்தது என்றும் கண்டுபிடிக்கப்பட்டுள்ளது.

அறிமுக பதிவர்

இந்த வார அறிமுக பதிவர் மூலிகை முற்றம் என்ற பெயரில் தனது மூலிகை பயணங்களையும் அங்கு அவர் கற்ற மூலிகைகளை பதிவாக்கி வருகிறார் சுமையா பானு அவர்கள்..

தினமும் ஒரு மூளிகையைப்பற்றி நிறைய எழுதி வருகிறார் மிகவும் பயனுள்ள பதிவு...

அனைவரும் நிச்சயம் அறிய வேண்டிய பதிவு...

http://www.mooligaimutram.blogspot.com/

தத்துவம்

நீ எப்படி இருந்துள்ளாய் என்பதைப் பற்றி எண்ணாதே, நீ எப்படி இருக்கு விரும்புகிறாய் என்பதையே எண்ணு, நீ நிச்சயமாக முன்னேறுவாய்.

ஒருவனிடம் துக்கமும் தூக்கமும் எப்போது குறையுமோ, அப்போதே அவன் மேதையாகிறான்.

கிசு கிசு

முதலில் என் அஞ்சறைப்பெட்டியில் இரு வாரம் கிசு கிசு எழுதினேன் நண்பர்களின் பலத்த எதிர்ப்பால் எடுத்து விட்டேன் இந்த வாரம் நண்பர் ஒருவர் நிச்சயம் இந்த கிசு கிசுவை எழுதியாக வேண்டும் என்றார்..

இது நடந்தது ஈரோடு சங்கமத்தில் என்பால் இந்த வாரம் மட்டும் அஞ்சறைப்பெட்டியில் கிசு கிசு..

ஈரோட்டில் நடந்த சங்கமத்தில் ஒரு பிரபல பதிவரிடம் நம் நண்பர் அறிமகமாகி இருக்கிறார் அவர் அப்படியா சரிங்க என்று சொல்லிட்டு அடுத்து இருக்கும் பெண் பதிவரை நோக்கி நடந்திருக்கிறார் அவர் எதுவும் பேசாததால் திரும்பி வந்து ஒரு சிலரோடு படம் எடுத்து விட்டு வேறு ஒரு பதிவரிடம் ஒரு பெண் பதிவர் பேசிக்கொண்டு இருந்திருக்கிறார் அவரிடம் சென்று இவங்க யார் என்று விசாரிக்கையில் அவர் சொல்லி இருக்கிறார் ஓ இவுங்க தானா என்று சொல்லி விட்டு அந்த பெண் பதிவரிடம் விடாமல் பேசி பேசி மொக்கை போட்டு இருக்கிறார். அவுங்க விட்டா போதும் புறப்பட்டுவிட்டார்கள் இதை அனைத்தையும் கவனித்த நம் நண்பர் மீண்டும் அறிமுகமாகி இருக்கிறார் அந்த பதிவர் அப்படியா என்று கேட்டு விட்டு மீண்டும் அங்கும் இங்கும் தேடி இருக்கிறார்.. நான் வழிய வழிய போய் பேசுகிறேன் இந்த ஆள் என்னடா என்றால் பெண் பதிவரிடமும் பிரபல பதிவரிடமும் தான் பேசுகிறார்...

நீங்க அஞ்சறைப்பெட்டியில் இதைப்போடுங்க உங்களுக்கு பின்னூட்டத்தில் அவர் யார்ன்னு நான் சொல்கிறேன் என்றார்... எதிர்பார்ப்போம் அந்த பதிவர் யார் என்று...

இதை என்னிடம் சொல்லிய பதிவர் அயல் ஊர்க்காரார் அதனால் எனக்கு ஒரு டவுட் ஒரு வேளை அந்த பதிவர் ஈரோட்டுக்காரரா இருப்பாரோ... டவுட்டு... டவுட்டு...

ஈரோடு சங்கமத்தில் பாலிடிக்சா??? சிபிக்கு என் பதில்கள்...

2011-12-27T23:52:00.000-08:00

2011ம் ஆண்டு ஈரோடு சங்கமம் நடந்தது ஒரு விபத்து இந்த வருடம் சங்கமம் எப்படி நடத்தப்போகிறோம் என்று நவம்பர் முதல் மாதத்தில் எங்கள் குழும மடலில் கேட்ட போது நடத்துவதைப்பற்றி அனைவரும் யோசித்தார்கள். அதற்கு முக்கிய காரணம் விழா ஏற்பாடுகள் என்றால் சும்மா இல்லை அதற்கு நிறைய உழைக்கனும் அனைவரும் அவர்கள் வேலையையும் பார்க்கனும் சங்கம வேலைகளையும் பார்க்கனும். எங்கள் குழும தலைவர் அண்ணன் தாமோதர் சந்துரு அவர்கள் இந்த வருடம் நடத்தியே தீரனும் என்று நிகழ்ச்சிக்கான ஏற்பாடுகளில் இருந்து ஒவ்வொருவரும் ஒரு வேளையை பிரித்துக் கொண்டு 10 நாளில் நடத்துவது என்று முடிவு செய்து விழாவுக்கான அனைத்து ஏற்பாடுகளும் செய்யபப்பட்டது.

எங்கள் குழுமத்திற்கு என்று ஒரு வலைப்பதிவு உள்ளது அதில் ஈரோடு மாவட்டத்தைச் சேர்ந்தவர்கள் மட்டும் உறுப்பினராக சேர்த்துக் கொள்ளப்படுவர். உறுப்பினர்களை நாங்கள் யாரும் போய் வாங்க வந்து உறுப்பினராகுங்கள் என்று அழைப்பதில்லை விருப்பமுள்ளவர்கள் எங்கள் குழுமத்திற்கு மடல் அனுப்பினால் போதும் உறுப்பினராக சேர்த்துக்கொள்வோம். சேர்ந்த பின் அவர்களுக்கு குழும மடல் முகவரி கொடுத்து கருத்து கேட்போம் வருடம் ஒருவர் தலைவராக இருந்து சங்கமத்தை நடத்தி வருகிறோம்..

அதன் படி இந்த வருடம் சங்கமம் 2011 பதிவுலகில் ஒரு வரலாறு காணத நினைவாக நண்பர்களை அழைத்து சங்கமத்தை வெற்றியோடு நடத்தினோம். ஒரு விழா என்றால் அனைத்தையும் 100% சரியாக நடத்துவது என்பது இயலாத காரியம். விழா நடத்தும் நண்பர்கள் என்ன முடிவு செய்கிறோமோ அவ்வாறு தான் விழா நடத்த இயலும். குழுமத்தில் முடிவு செய்த படி 2011 சங்கமம் வெற்றிகரமாக நடந்தது. நண்பர்கள் கருத்து சொன்னால் அதை ஏற்றுக்கொண்டு அடுத்து சங்கமத்தில் அதை சரிசெய்து விடலாம். இப்படித்தான் அனைத்து விழாக்களும் நடக்கிறது இதற்கு நம் குடும்ப விழாவும் விதிவிலக்கல்ல..

இனி பாலிடிக்ஸ்...

ஈரோட்டில் நிறைய பதிவர்கள் இருக்கிறார்கள் அவர்கள் அனைவரும் குழுமத்தில் வந்து சேர வேண்டும் என்பது கட்டாயமல்ல. விருப்பம் இருப்பவர்கள் வந்து சேரலாம் முடிந்தால் அவர்கள் ஒரு குழுமம் அமைத்து நிகழ்ச்சிகளை நடத்தலாம் யாரையும் யாரும் வேண்டாம் என்று சொல்ல உரிமை இல்லை..

நண்பர் சிபி செந்தில் குமார் நடுநிலை என்ற பெயரில் ஒரு உள்குத்து பதிவிட்டு அதில் ஈரோட்டில் பல பதிவர்கள் இருக்கின்றனர் அவர்களை ஏன் நிகழ்ச்சி நடத்துவர்கள் தொலைபேசியிலோ, மெயில் ஐடியிலோ தொடர்பு கொண்டு ஒரு நான்கு நிமிடம் பேசி வில்லை என்று பதிவிட்டு இருக்கிறார்..

ஏங்க சிபி உங்ககிட்ட நிகழ்ச்சி நடத்துபவர்கள் எல்லாம் 4 நிமிடம் பேசியதால் தான் நீங்கள் வந்தீர்களா???

நிகழ்ச்சி அமைப்பாளர்கள் பெயரையும், தொலை பேசி ஒவ்வொரு பதிவுவிலும் கொடுத்திருந்தோம் ஏன் நீங்கள் சொல்லும் பிரபல பதிவர்கள் எங்களையாரைவாது அழைத்திருக்கலாமே ஏன் அழைக்கவில்லை??

வெளியூரில் இருந்து பல பதிவர்கள் எங்கள் எண்ணைத் தொடர்பு கொண்டு பேசினார்கள் ஈரோடு மாவட்டத்தைச் சார்ந்த வீடு சுரேஷ் கூட தொடர்பு கொண்டு வருகிறேன் என்று கூறினார் அது மாதிரி இவர்களும் அழைத்திருக்கலாமே?? அல்லது மிஸ்டுகாலாவது கொடுத்திருக்கலாமே???

அப்புறம் சிபி குழுமத்தில் உள்ள பவளசங்கரியை எனக்குத் தெரியவில்லை பதிவு எழுதும் போது உங்களை தொடர்பு கொண்டு பேசினேன் என்று சொல்லி உள்ளீர்கள் அது உண்மைதான்... பவளசங்கரியை மட்டுமல்ல ரோகிணிசிவா, அமரபாரதி, இளா, ராஜி, திருஞானசம்பந்தம் இன்னும் எங்கள் குழுவில் உள்ள நிறைய பேரை எனக்குத் தெரியாது ஆனால் அவர்களிடம் குழும மடல் தொடர்புண்டு.

குழுமத்தில் இருந்தால் அவர்களைத் தெரிய வேண்டும் என்று அவசியம் உண்டா சிபி...

அடுத்து மெட்ராஸ்பவன் சிவக்குமார் சில குறைகளை என்னிடம் சொன்னார் சரிங்க அடுத்த முறை சரிசெய்து விடலாம் அவசரத்தில் நடந்த நிகழ்வு என்றேன்.. இந்த நிகழ்வு எனக்கும் சிவக்குமாருக்கும் இடையே நடந்தது இதில் நீங்கள் சங்கவியிடம் சொன்னீங்க.. கதிர் தானே லீடர் என்று தனிமனிதர் தாக்குதலை நடத்தி உள்ளீர்கள் இதற்கு என் பகிரங்க கண்டங்களை பதிவு செய்கிறேன் சிபி...

இதே இடத்தில் வீடு சுரேஷ் என்னும் பதிவர் நான் சிவக்குமாரிடம் மன்னிப்பு கேட்டதாக ஒரு தவறான தகவலை வெளியிட்டுள்ளார். சுரேஷ் நீங்க என்ன நடந்தது என்று சிவக்குமார்கிட்டடே கேட்டுக்கங்க...

சுரேஷ் இப்பதான் பதிவுலகிற்கு வந்து நிறைய எழுதுகிறீர்கள் வாழ்த்துக்கள்...

சிபி உங்களால் நிறைய பதிவு ஒரே நாளில் எழுதி வெளியிட முடியும் என்பது எனக்கு தெரியும் நிச்சயம் இந்த பதிவை ஹிட்ஸ்க்காக எழுதியிருக்க மாட்டீர்கள்... நிகழ்ச்சியை நடத்திய எங்களின் மனம் புண்ணாகவேண்டும் என்று உள்குத்துடன் எழுதி உள்ளீர்கள் வாழ்த்துக்கள்...

சிபி, ஈரோட்டில் இருக்கும் எங்களை தொலைபேசியில் அழைக்கவில்லை என்று கூறும் நண்பர்களே நீங்கள் தமிழகம் தழுவிய ஒரு பதிவர் சந்திப்பு நடத்துவீர்கள் என்றுத் அதில் தவறே இல்லாமல் நடத்துவீர்கள் என்று எதிர்பார்க்கிறோம் சீக்கிரம் தேதியை அறிவிப்பீர்கள் என்று எதிர்பார்க்றோம்..

ஈரோடு சங்கமம் சாப்பாடு ஸ்பெஷல் ( குஷ்பு இட்லியும், முட்டை பணியாரமும்)

2011-12-22T21:57:00.000-08:00

ஈரோடு மாவட்டம் எப்பவும் விருந்தினர்களை கவனிப்பதிலும், வரவேற்பதிலும் காலம் காலமாக பேர் பெற்றது. வரும் விருந்தினர்களுக்கு விருந்து வைத்து அசத்தி அனுப்புவதில் ஈரோட்டு மக்களுக்கு நிகர் தேடித்தான் பிடிக்கனும். ஈரோட்டை நினைத்தாலே எங்கள் விருந்தும் வரவேற்பும் என்றும் ஞாபகத்திற்கு வரும்.

இலக்கியவாதி கோபி..

ஒவ்வொரு முறை சங்கமத்திலும் இரவு உணவு அசத்தலாகவே இருக்கும் இந்த முறை இன்னும் அசத்திடவேண்டும் என்று எங்கள் அண்ணன் தாமோதர் சந்துரு அவர்கள் உணவு ஏற்பாட்டில் தனிக்கவனம் எடுத்து அனைத்து அவர் மேற்பார்வையில் நடத்தி அசத்தி விட்டார்...

வீடு திரும்பல் மோகன்குமார்

கேர்ஆர்பி

ஆரூர் முனா செந்தில்

நான் இந்த முறை நேரத்தில் செல்ல வேண்டும் அங்கு நமக்கு கொடுக்கும் வேலையை சரியாக செய்ய வேண்டும் என்று எண்ணி 1 மணிக்கெல்லாம் ஈரோடு சென்று விட்டேன் இடையில் மாமாகிட்ட மாட்டி இரவு 8.30 மணிக்குத்தான் மண்டபம் சென்றேன். செல்லும் வழியில் ஜாக்கி போன் எங்கடா இருக்கற நாங்க ஊரைச்சுத்திகிட்டு இருக்கோம் சரியா வழி சொல்லு என்று சொன்னவுடன் அவருக்கு வழிகாட்டி கலெக்டர் ஆபிஸ் பக்கத்தில் வரும் வரை நின்று கொண்டு இருந்தேன் திடீரென ஹேய்ய் என்று சத்தம் காரில் பார்த்தால் மணிஜியும், ஜாக்கியும் அவர்களை அழைத்து கொண்டு மண்டபம் சென்று எல்லாரையும் பார்த்துவிட்டு சாப்பிடச் சென்றோம்...

காவேரி கணேஷ், உண்மைத்தமிழன், அன்பழகன்

பிரபல பதிவர் நாய் நக்ஸ் நக்கீரன்

இரவு உணவு குஷ்பு இட்லி, தோசை, ரோஸ்ட், முட்டை தோசை, ஆம்லெட், ஆபாயில், கலக்கி, ஒன்சைடு ஆம்லெட் இதற்கு தேங்காய் சட்னியும், குருமாவும் என்று அசத்தினர் அசத்தி. இரவு உணவின்போதே காலை என்ன உணவு வகை இருக்கும் என்று அனைவரையும் எதிர்பார்க்கவைத்தது..

இரவு உணவு முடிந்து இரவில் வந்தவர்களுக்கு குழுமத்தின் மூலம் தங்கும் வசதி ஏற்பாடு செய்துகொடுக்கப்பட்டு இருந்தது. அனைவரும் தங்கி காலை நிகழ்ச்சிக்கு புறப்படும் போது என்னைப்பார்த்து கேட்டது என்னய்ய முட்டைல பூரி உண்டா என்றனர் இந்த வருடம் அந்த வேற ஸ்பெசல் என்றேன்..

கோகுலத்தில் சூரியன் வெங்கட், கோமாளி செல்வா

அரவிந்தன், யுவகிருஷ்ணா

அகநாழிகை வாசுதேவன்

காலை உணவு குஷ்பு இட்லி, வெண்பொங்கல், பூரி, தோசை, முட்டை தோசை, ஆம்லெட், கலக்கி, தேங்காய் சட்னி, சாம்பார், உருளைக்கிழங்கு மசால் என்று ஒரு ரவுண்டிற்கே வயிறில் இடம் இல்லாமல் சாப்பிட்டோம்.. விருந்தினர்களை சாப்பிட வைத்தோம்..

நிகழ்வுகள் நடக்கும் போது மதியம் சாப்பாடு ரெடியாகி இருந்தது நிகழ்ச்சி நடக்கும் போது அனைவருக்கும் பழரசம் கொடுத்து விட்டு மதிய உணவிற்காக தயாராக்கி வைத்தோம்...

மதிய உணவு சைவம், அசைவம் என்று பிரிக்கப்பட்டு உணவு பரிமாறினர். சைவத்தில் தலைவாழை இலை போட்டு வாழக்காய் பஜ்ஜி, முட்டைகோஸ், கேரட், பீன்ஸ் பொறியல், காளிபிளவர் சில்லி, சாப்பாடு, சாம்பார், புளிக்குழம்பு, ரசம், தயிர், பாயசம் சாப்பிட்ட முடித்தவுடன் வெற்றிலை பாக்கு..

அசைவ உணவில் விருந்து என்றால் அனைத்து இடங்களிலும் பிரியாணி போடுவார்கள் ஆனால் எங்கள் ஊர் கிடாவிருந்து போல் பிரியாணி இல்லாமல் ஆனால் மறக்க இயலாத ஒரு கிடா விருந்தாக இருந்தது அதன் உணவு வகைகள்..

ஜாக்கி சேகர்

மணிஜி

தலைவாழை இலையில் வறுத்த மட்டன், சிக்கன் பள்ளிபாளையம், தலைகுடல்கறி, சாதம், சாதத்திற்கு மட்டன் கிரேவி குழம்பு, எழும்புக்குழம்பு, புளிரசம், தயிர், பாயசம் மற்றும் முட்டை பணியாரம்... என அமர்க்களமான விருந்து அனைவரையும் வயிரார சாப்பிடும் வகையில் கலக்கி இருந்தார் அண்ணன் தாமோதர் சந்துரு அவர்கள்..

இந்நிகழ்வில் கலந்து கொண்ட நான் பேசிய வார்த்தைகளில் நிச்சயம் இந்த வார்த்தை இடம் பெற்றிருக்கும் அது சாப்டாச்சா அண்ணே... இந்த பதிவை படிக்கும் போது கேக்கிறேன் சாப்ட்டீங்களா அண்ணே...

கடந்த முறை போல் இந்த முறையும் விருந்திலும், நண்பர்களை அழைத்து வந்து வெற்றி விழாவாக இந்த விழாவை சிறப்பாக நடத்திய பெருமை கதிர், ஆருரன், தாமோதர் சந்துரு, பாலாசி, பாஸ்கார்த்தி, லவ்டேல் மேடி, ஜாபர் இவர்களையேச் சாரும் நண்பர்களுக்கு மிக்க நன்றி...

எங்க குழுமத்தில் உள்ள மற்ற நண்பர்கள் என்னையும் சேர்த்து வெளியூரில் இருப்பதால் இவர்கள் உழைப்பில் எங்கள் பங்கு குறைவே...

இந்நிகழ்ச்சிக்கு வந்திருந்த நண்பர்கள் அனைவருக்கும் வந்து சிறப்பித்தமைக்கு மிக்க நன்றி..

மீண்டும் அடுத்த முறை சந்திப்போம் இன்னொரு சந்தர்ப்பத்தில்.

அடுத்த நிகழ்வை இன்னும் சிறப்பாக செய்வோம் அதற்கும் அனைவரும் வருக...வருக...

இத்தோடு 2011 ஈரோடு சங்கமம் பதிவுகள் ஓவர்....

இனி அடுத்த வருசந்தானுங்கோ...

அஞ்சறைப்பெட்டி 21.12.2011

2011-12-21T23:03:00.000-08:00

உள்ளுரில் இருந்து உலகம் வரை........

ஈரோடு சங்கமத்தில் கிட்டத்தட்ட 230க்ம் மேற்பட்டவர்களை சந்தித்ததில் மிக்க மகிழ்ச்சி. இதில் பதிவர்கள் மட்டும் கிட்டத்தட்ட 180யைத் தாண்டும். பதிவர்கள் அனைவரையும் சந்தித்ததில் மிக்க மகிழ்ச்சி அரங்கிற்கு வந்தவர்களில் என்னால் முடிந்தவரை அனைவரையும் சந்தித்து வரவேற்றேன். யாரிடமாவது பேசாமல் சென்றிருந்தால் மன்னிக்கவும்.

பதிவர் சந்திப்பில் நிறைய நண்பர்கள் பதிவழுதும் போது அவர்களிடம் நான் பேசிய விதத்தையும், கவனித்த விதத்தையும் பாராட்டி எழுதி இருந்தனர் இதில் மிக மகிழ்ச்சி ஏன் என்றால் எங்கள் குழுவினர் எனக்கு கொடுத்த ஒரே வேளை அது தான் அதை சரியாக செய்ததில் மிக்க மகிழ்ச்சி..

நிறைய நண்பர்களிடம் அதிகம் பேச இயலவில்லை அனைவரையும் வரவேற்று, சாப்பிட்டார்களா என்று கேட்டு கவனித்ததில் நிறைய மனம் விட்டு பேச இயலவில்லை அடுத்த முறை இதை எல்லாம் சரி செய்து விடுகிறேன்..

...............................................................................................

நம் பதிவர்கள் தற்போது அதிகம் எழுதுவதில்லை குறிப்பிட்ட சிலர் மட்டும் தான் தொடந்து எழுதுகின்றனர் முடிந்தவரை அனைவரும் எழுதினால் பதிவுலகம் ஆரோக்கியமாக இருக்கும்... எழுதுங்கள் வரவேற்கிறோம்.

புதியவர்கள் நிறைய பேர் தயக்கத்துடன் இருக்கின்றனர் அவர்களுக்கு நான் சொல்லிக்கொள்வது சந்தேகம் இருந்தால் கேளுங்கள் அனுபவமுள்ளவர்கள் தீர்த்து வைப்பார்கள் அவர்கள் சொல்லவில்லை என்றால் சொல்லாதவரைப் பற்றி ஒரு பதிவெழுதுங்கள் விரைவில் நீங்களும் பிரபல பதிவர் ஆகிவிடலாம்...

...............................................................................................

தமிழக அரசியலில் தற்போது மிக பரபரப்பான விசயம் சசிகலாவை அம்மா வெளியேற்றியது இது அனைத்து தரப்பினரையும் சந்தோசப்படுத்தி உள்ளது. முக்கியமாக அம்மா எதிர்பார்க்காத வரலாற்று வெற்றியை கொடுத்த தமிழக மக்கள் மிகவும் சந்தோசத்துக்குள்ளாகி உள்ளனர். அதுவும் முதல் 6 மாதத்தில் எடுத்த இந்த களை மிகவும் முக்கியத்துவம் வாய்ந்தது..

எதிர்பார்க்காத வெற்றியை கொடுத்த தமிழக மக்களுக்கு அனைவரும் பாராட்டும் வகையில் ஆட்சியை கொடுங்கள் இதைத்தான் மக்கள் எதிர்பார்க்கின்றனர்... அப்படி கொடுத்தால் நீங்கள் தான் தமிழகத்தின் நிரந்தர முதல்வர்...

...............................................................................................

வடகொரியா அதிபராக இருந்தவர் கிம்ஜொங்-2. கம்யூனிச நாடான இங்கு இவர் ராணுவ ஆட்சி நடத்தி வந்தார். கடந்த 2008-ம் ஆண்டு முதல் பக்கவாத நோயினால் அவதிப்பட்டு வந்தார். இந்த நிலையில் நேற்று முன்தினம் ரெயிலில் சென்று கொண்டிருந்த அவருக்கு திடீரென மாரடைப்பு ஏற்பட்டது.

அதை தொடர்ந்து தீவிர சிகிச்சை அளித்தும் பலனின்றி அவர் பரிதாபமாக இறந்தார். அவர் மரணம் அடைந்த செய்தி தலைநகர் பியாங்யாங்கில் இருந்து வட கொரியா டி.வி.யில் இன்று அதிகாரப்பூர்வமாக அறிவிக்கப்பட்டது. அப்போது, நமது அன்பிற்குரிய தலைவர் மாரடைப்பால் மரணம் அடைந்தார் என தெரிவிக்கப்பட்டது.

கிம்ஜொங் மரணம் அடைந்ததை தொடர்ந்து பக்கத்து நாடான தென்கொரியாவில் ராணுவம் உஷார் படுத்தப்பட்டுள்ளது. நாட்டின் பாதுகாப்பு கவுன்சில் கூடி இந்த நடவடிக்கை மேற்கொண்டதாக தென்கொரியா அதிபர் லீ மியூங்-பக் தெரிவித்தார்.

வடகொரியாவில் ஒரு குடும்ப ஆட்சிதான் நடைபெற்று வருகிறது. இவருக்கு முன்பு கிம்ஜொங்-2வின் தந்தை கிம் 2 சங் அதிபராக இருந்தார். கடந்த 1994-ம் ஆண்டு இவர் மரணம் அடைந்தார். அதைத் தொடர்ந்து கிம் ஜொங்-2 அதிபரானார். 17 ஆண்டு காலம் அதிபராக பதவி வகித்துள்ளார். இவரும் தனது தந்தை வழியில் ராணுவ ஆட்சியை நடத்தினார். இவர் மிகவும் சக்திவாய்ந்தவராக திகழ்ந்தார்.

யாருக்கும் புரியாத புதிராக இருந்தார். அணு ஆயுத கொள்கையின் மூலம் உலக பாதுகாப்புக்கு அச்சுறுத்தலாக விளங்கினார். உடல்நலம் பாதிக்கப்பட்டு இருந்தாலும் சீனா, ரஷியா போன்ற நாடுகளுக்கு சுற்றுப்பயணம் மேற் கொண்டார்.

தனது உடல்நலம் மிகவும் குன்றியதை தொடர்ந்து கடந்த ஆண்டு (2010) தனது 3-வது மகன் கிம்ஜொங் அங் என்பவரை அடுத்த அதிபராக அறிவித்தார். எனவே, இவர் வடகொரியாவின் அடுத்த அதிபராகிறார். கிம்ஜொங்

................................................................................................

முல்லைப்பெரியாறு பிரச்சனையில் ஆரம்பத்தில் இருந்த அதே போரட்ட குணத்தோடு போரடிவரும் தமிழக தலைவர்களில் மிக முக்கியமானவர் வைகோ.. நிறையப் போராட்டங்களை நடத்தி மக்கள் செல்வாக்கை பெற முயற்சிக்கிறார் அவரைப்பொறுத்தவரை மக்கள் அவர் மேல் நன்மதிப்பு வைத்துள்ளனர் அவ்வளவுதான்... ஓட்டு வாங்குவது கடினமே...

................................................................................................

3000 ஆயிரம் லாரிகள் நிறுத்தம் கேரளாவிற்கு பால், காய்கறி, முட்டை போன்ற அத்தியாவிசயமான பொருட்கள் எதுவும் செல்லவில்லை. உப்பும் கூட செல்லவில்லை இது தமிழர்கள் வேண்டும் என்று செய்யவில்லை தமிழர்களின் லாரியை அடித்து நொறுக்கியதற்காக லாரி உரிமையாளர்கள் எடுத்த முடிவு..

மலையாளிகள் அரசிலாக்குகின்றனர் இப்பிரச்சனையை இதனால் பாதிக்கப்படுவது மலையாளிகள் தான்...

என்னைக்கேட்டால் இங்கிருந்து செல்லும் மின்சாரத்தையும் தடுக்க வேண்டும் அப்ப தான் அடங்குவானுக...

..................................................................................................

ஜப்பானியர்கள் தங்கள் கழிப்பறையை மிகவும் புனிதமானதாக கருதுகின்றனர். ஏனெனில், அது கடவுள் வந்து செல்லும் வழியாக நம்புகின்றனர். அதற்காக மிக அதிநவீன ஆடம்பர கழிப்பறைகளை அவர்கள் விரும்புகின்றனர்.

மக்களின் விருப்பத்துக்கு ஏற்ப ஜப்பான் நிறுவனங்கள் மிக அழகிய வேலைப்பாடுகள் அடங்கிய அதிநவீன தொழில்நுட்பம் வாய்ந்த கழிப்பறைகளை தயாரித்து விற்பனை செய்து வருகிறது.

அந்த வகையில், தற்போது அங்கு 72 ஆயிரம் பளிங்கு கற்களால் ஆன கழிப்பறையை தயாரித்துள்ளனர். அவை ஒன்றின் விலை ரூ.50 லட்சம். இந்த கழிப்பறையை ஜப்பான் நிறுவனத்துடன் சேர்ந்து ஆஸ்திரியாவின் நகை நிறுவனம் ஒன்று வடிவமைத்துள்ளது.

அதுக்காக கழிப்பறைக்கு 50 இலட்சம் என்பதொல்லாம் ரொம்ப ஓவர்...

..................................................................................................

லோக்பால் மசோதாவில் மீண்டும் ஏமாற்றம் ஹசாரே குழுவினர்ருக்கு மட்டுமல்ல அனைவருக்குந்தான்...

..................................................................................................

பெண்களுக்கு 30 வயதிலும், ஆண்களுக்கு 40 வயதிலும் கவர்ச்சி அதிகரிக்கும் என ஆய்வில் தெரியவந்துள்ளது. மனிதர்கள் எந்த வயதில் கவர்ச்சி ஆக காணப்படுகின்றனர் என்பது குறித்து சமீபத்தில் ஒரு ஆய்வு மேற்கொள்ளப்பட்டது.

இதுபற்றி ஆண்கள் மற்றும் பெண்களிடம் தனிதனியாக கருத்து கேட்கப்பட்டது. அதில், பெண்கள் 30 வயதிலும், ஆண்கள் 40 வயதிலும் செக்சுடன் கூடிய கவர்ச்சியாக தெரிகின்றனர்.

ஏனெனில், 40 வயதில் தான் ஆண்கள் அழகான கவர்ச்சியான உடல் அமைப்பை பெறுகின்றனர். அதுவே பெண்களை கவருகிறது. அதுபோன்று பெண்கள் தங்களது 30 வயதில்தான் கவர்ச்சிகரமான இருக்கின்றனர். அந்த வயதில்தான் கவர்ச்சியான உள்ளாடைகளையும், வாசனை திரவியங்களையும் பயன்படுத்த தொடங்குகின்றனர்.

ஆண்கள் தங்களது 40 வயதுக்கு பிறகுதான் ஆடம்பரமான ஆடைகளை அணிவதில் விருப்பம் கொள்கின்றனர். மேலும், விருந்து விழாக்களில் பங்கேற்று ஒயின் மற்றும் மதுவகைகளில் நாட்டம் கொள்கின்றனர் என ஆய்வில் தெரியவந்துள்ளது.

..................................................................................................

தற்போது அரசுப் பேருந்துகளில் விளம்பரங்கள் தாங்கி வருகின்றனது இதனால் அரசுக்கு வருமானம் கிடைக்கிறது என்பது நல்ல விசயந்தான் ஆனால் பேருந்து செல்லும் ஊர்ப்பெயர் இருக்கும் இடத்தில் விளம்பர ஸ்டிக்கர் ஒட்டுவதன் மூலம் வயதானவர்களும், தட்டித்தடுமாறி படிப்பவர்களும் ரொம்பச் சிறமப்படுகின்றனர்... இது களைய வேண்டிய ஒன்று...

தகவல்

காதலர்களோ, தம்பதியரோ முதலில் அவர்களின் அன்பை வெளிப்படுத்தும் அற்புத பாஷை முத்தம். முத்தத்தின் வெளிப்பாடு என்பது அன்பின் பரிமாற்றம் தான் என்றாலும், அதை கொடுக்கிறவர்களைப் பொறுத்தும், வாங்கிக் கொள்கிறவர்களைப் பொறுத்தும் மாறுபடுகிறது.

முத்தத்தில் வித்தியாசம்

ஒரு கணவன் தன் மனைவிக்கு கொடுக்கும் முத்தத்திற்கும், ஒரு காதலன் காதலிக்கு கொடுக்கும் முத்தத்திற்கும் நிறையவே வித்தியாசங்கள் உண்டு. கணவன் மனைவிக்கு கொடுக்கும் முத்தத்தில் பாசத்துடன், காமமும் சேர்ந்தே இருக்கும். ஆனால், காதலர்களுக்குள் இந்த முத்தம் பரிமாறிக்கொள்ளப்படும் போது இந்த அன்பு, காமத்துடன் இன்னொன்றும் வந்து சேர்கிறது. அதுதான் எதிர்பார்ப்பு. துணை அடுத்து என்ன செய்யப் போகிறான் அல்லது என்ன செய்யப் போகிறாள் என்ற எதிர்பார்ப்பு காதலர்களுக்குள் இருப்பதால் அவர்கள் பரிமாறிக்கொள்ளும் முத்தத்தில் இனம் புரியாத ஈர்ப்பு இருக்கிறது.

இப்போதெல்லாம் முத்தத்தை எப்படி கொடுத்தால் `கிக்` அதிகமாக இருக்கும் என்று ஆராய்ச்சிகளே நடத்தப்படுவதால் பல வகையிலான முத்தங்கள் தோன்றிவிட்டன. உதாரணமாக உதட்டோடு உதடு கவ்வும் `பிரெஞ்சு கிஸ்’. இந்த முத்தத்தின் போது என்னென்ன மாற்றங்கள் இருவரது உடலுக்குள்ளும் நிகழ்கின்றன என்று ஒரு ஆய்வு மேற்கொண்டார்கள்.

முத்தத்தில் வேறுபாடு

பாலுறவின்போது ஆண், பெண் இருவரும் அடையும் உச்சக்கட்டத்தை, இந்த முத்தத்தை பரிமாறிக் கொள்ளும் போதும் அடையலாம் என்பதை நிரூபித்தது, அமெரிக்காவில் நடத்தப்பட்ட அந்த ஆய்வு. அந்த ஆழமான முத்தத்தை பரிமாறும் போது, அதை பரிமாறும் ஆண்பெண் இருவரது பால் சுரப்பிகளும் தூண்டப்படுவது அப்போது தெரிய வந்தது. பிரெஞ்சு கிஸ் இதழ்களோடு நின்று விடுவதில்லை மோகத் தீ பலமாக வீசி, இருவரது உடல்களும் பின்னிப் பிணைந்து விடுகின்றன. இன்றைய இளசுகள் இந்த முத்தத்தைத்தான் துணையிடம் விரும்புகிறார்களாம்.

முத்தத்திற்கு மரியாதை

ஒவ்வொரு நாட்டினர் இடையேயும் முத்தம் வேறு வேறு வழிகளில் கையாளப்படுகிறது. பயன்படுத்தும் வழிகள் பலவாக இருந்தாலும், அந்த முத்தத்தால் கிடைக்கும் சுகப்பரவசம் எல்லாம் ஒன்றாகவே இருக்கிறது. பிற நாட்டினரைக் காட்டிலும் பிலிப்பைன்ஸ் காதலர்கள், நம்மவர்கள் காதலுக்கு மரியாதை செய்வதுபோல் முத்தத்திற்கு தனி மரியாதை கொடுக்கிறார்கள்.

அவர்களுக்குள் காதல் தோல்வி ஏற்படும்போதும் கூட, முத்தத்திற்கு ஒரு அங்கீகாரம் கொடுக்கிறார்கள். அதாவது, காதலியானவள் தனது உள்ளாடையையும், காதலன் அவனது உள்ளாடையையும் அவர்களுக்குள் பரிமாறிக்கொண்டு பிரிந்து விடுகிறார்கள். அதன்பின்னர், இருவரும் சந்தித்துக் கொள்வதே இல்லை. அதேநேரம், காதலி அல்லது காதலன் பற்றி எண்ணம் வரும்போதெல்லாம், அவள் அல்லது அவன் கொடுத்த உள்ளாடையை முத்தமிட்டு, தங்களது மனப்பாரத்தை இறக்கிக் கொள்கிறார்களாம்.

என்ன உங்கள் துணைக்கு ஆழமான முத்தம் கொடுக்க தயாராகிவிட்டீர்களா?

அறிமுக பதிவர்

இந்த வார அறிமுக பதிவர் நாய் நக்ஸ் நக்கீரன்இவரின் நகைச்சுவையான பேச்சைப்போலவே இவரின் பதிவும் இருக்கிறது.

http://naai-nakks.blogspot.com/

தத்துவம்

உன்னால் சாதிக்க இயலாத காரியம் என்று எதுவும் இருப்பதாக ஒரு போதும் நினைக்காதே..

பலர் வெற்றியைக் கனவு காண்கிறார்கள்.. ஆனால் சிலர் அதற்காக உழைக்கக் கிளம்பி விடுகிறார்கள்...

உழைப்பவனுக்கு எந்த வேலையும் இழிவல்ல; சோம்பல்தான் இழிவு...

ஈரோடு சங்கமம் புகைப்படங்கள்...

2011-12-20T23:36:00.000-08:00

ஈரோடு சங்கமத்தில் இந்த முறை நான் அதிகமாக புகைப்படங்கள் எடுக்க வில்லை நிறைய நண்பர்கள் தாங்கள் எடுத்த புகைப்படங்களை பதிவாக்கிவிட்டனர் இந்த பதிவில் நண்பர்களுடன் நான் இருக்கும் படங்களை பதிவாக்குகின்றேன்... நிறைய நண்பர்களுடன் புகைப்படம் எடுக்க இயலவில்லை எடுத்தவர்களுடன் இருக்கும் படங்கள் கீழே....

எங்கள் குழுமத்தைச்சார்ந்த நண்பர்கள் ஜாபர், நான், லவ்டேல்மேடி, கோமாளி செல்வா, அகல்விளக்கு ராஜா, வால்பையன் மற்றும் பவளசங்கரி...

எங்கள் தலைவர் தாமோதர் சந்துரு, நான், கதிர், ஜெயராஜ் பாண்டியன், கவேரி கணேஷ்

உண்மைத்தமிழன், சிபிசெந்தில்குமாருடன்...

அதிஷாவுடன்...

பிலாசபி பிரபாகரன், வீடு திரும்பல் மோகன்குமார், தோத்தவண்டா ஆரூர் மூனா செந்தில், கே.ஆர்.பி செந்திலுடன்...

அரவிந்தன், காவேரி கணேஷ், ஜெயராஜ் பாண்டியனுடன்...

வீடு சுரேஷ், பேரண்ட்ஸ் சம்பத், தமிழ்வாசி பிரகாஷ், தமிழ் பேராசிரியர் குணசீலனுடன்..

குறும்படஇயக்குநர் செல்வக்குமார் அவர் நண்பர்,
மூளிகை வளம் குப்புசாமி, மரவளம் வின்சென்ட்

மயில் ராவணன், கோபியுடன்..

தேனம்மைலஷ்மன் உடன்...

மணிஜி மற்றும் உண்மைத்தமிழனுடன்...

அதிமுகவும், திமுகவும்...

இணையதள சூப்பர் ஸ்டார் என் இனிய பங்காளி ஜாக்கியுடன்...

( அனைவரும் எதிர்பார்த்த சாப்பாடு ஸ்பெஷல் பதிவு அடுத்து... சாப்பிடும் புகைப்படங்களுடன்..)

பதிவர்களின் பாசத்தில் நா தழு தழுத்த ஜாக்கி சேகர்...

2011-12-20T00:02:00.000-08:00

பலத்த கரவோசத்திற்கிடையே மேடைக்கு வரும் ஜாக்கி

ஈரோடு சங்கமத்தில் சமூகவலைத்தளங்களில் இயங்குபவர்களில் 15 பேரைத் தேர்ந்தெடுத்து அவர்களை பாராட்டி பரிசளித்து கவுரவித்தோம். அவர்கள் ஒவ்வொருவரைப்பற்றியும் ஒரு தனி பதிவாக இடலாம். அந்த வகையில் அந்த 15 பேரில் நமக்கு மிக அறிந்த இணையதளத்தில் பலரின் பாராட்டைப்பெற்ற தனது சொந்த எழுத்தின் மூலம் அதிக நண்பர்களைப் பெற்ற ஜாக்கி சேகரும் ஒருவர்.

இவரைப்பற்றி வாசிக்கும் போது அரங்கில் இருந்த திரையில்

ஈரோட்டு பாசக்கார பயலுகளுக்காக வருடம் வருடம் நிச்சயம் வருவேன் என்று கடந்த வருடம் கூறியது போல் இந்த வருடம் சங்கமம் நிகழ்ச்சியில் கலந்து கொண்டு சிறப்பித்ததில் மிக்க மகிழ்ச்சி.

விழாவில் அனைவரையும் பாராட்டு பெறுபவர்களைப் பற்றி வாசித்தனர் . அந்த வகையில் ஜாக்கிசேகரை பற்றி வாசித்தவை...

எழுத வந்ததை ஒரு விபத்து எனச் சொல்லும் இவர் கடலூர் மாவட்டத்தைச் சார்ந்தவர். வடமலை – ஜெயலட்சுமி தம்பதிக்கு முதல் மகனாய் பிறந்தவர். பொதுஜனத் தொடர்பு இதழியல் படிப்பில் முதுகலைப் பட்டம் பெற்றிருந்தாலும், கடந்த 15 ஆண்டுகளில் 25க்கும் மேற்பட்ட துறைகளில் பணியாற்றியவர். ஆனாலும் தன்னை அடையாளப்படுத்திக்கொள்வது ஒரு நிழற்பட நிபுணராகவும் ஒளிப்பதிவாளராகவும் தான்.

இதுவரை நான்கு குறும்படங்களை இயக்கியுள்ளவர். துளிர் என்ற குறும்படத்திற்கு மாநில அளவில் மூன்றாம் பரிசு பெற்றவர். சென்னையில் நடைபெற்ற இண்டர்நேசனல் குறும்படப் போட்டியில் இவரது மூன்று குறும்படங்கள் தேர்வு செய்து திரையிடப்பட்டன என்பது குறிப்பிடத்தக்கது. மக்கள் தொலைக்காட்சியில் பேட்டி, விஜய் தொலைக்காட்சி நீயா நானாவில் பங்கேற்பு என ஊடகங்களில் தமது கருத்துகளை முன்வைத்திருப்பவர். காதல் மணம் புரிந்து சமீபத்தில் யாழினி எனும் அழகிய குழந்தைக்குத் தந்தையானவர்.
ஒரு வலைப்பதிவராக ஜனரஞ்சகமாக எழுதும் வல்லமை கொண்டவர். உலகம் முழுதும் பல நாடுகளில் தனக்கென தமிழ் வாசிப்பாளர்களைக் கொண்டவர். குறிப்பாக வலையுலகத்தில் இவரின் உலகத்திரைப்படங்கள் பார்வை, சமூக அக்கறை கொண்ட இடுகைகள் அதிகம் வாசிக்கப்படுபவை.

ஒரு சாமானியன் போக்கில் தமிழ் வலைப்பதிவு உலகத்தில் மிகச்சிறப்பாக இயங்கிக் கொண்டிருக்கும் ஜாக்கிசேகர் (எ) தனசேகரன் அவர்கள்.

ஜாக்கி ஈரோடு ஸ்டாலின் குணசேகரனிடம் விருது பெற்ற போது அருகில் எங்கள்
ஈரோடு குழும தலைவர் தாமோதர் சந்துரு...

ஜாக்கி சேகர் மேடை ஏறும் போது பலத்த கைதட்டலுக்கிடையே மேடை ஏறி பரிசுகளையும், பாராட்டையும் ஆனந்தமாக பெற்றார்.

பாராட்டு பெற்றவர்களை வரிசையாக பேச அழைக்கும் போது ஒவ்வொருவரும் ஆனந்தத்திலும், மகிழ்ச்சியிலும் பேசினர். ஜாக்கி எழுந்து பேசும் போது பலத்த கைதட்டலுக்கு இடையே நிறைய பேசுவார் என்று கூர்ந்து கவனிக்கும் போது மனிதர் பதிவில் அவருக்கு பிடிச்ச நேர்மையான விசயங்களை தைரியமாக கூறுவார் அது போல் நிறைய பேசுவார் என்று எண்ணினால் மனிதர் பதிவர்களின் பாசத்தில் ஆணந்தக்கண்ணீரில் நா தழு தழுக்க பாராட்டி கவுரவித்ததில் மிக்க மகிழ்ச்சி என்று சில வார்த்தைகள் மட்டும் பேசிவிட்டு அமர்ந்துவிட்டார்.

வெளியே வந்து என்னிடம் பேசும் போது பாசக்கார பயலுகளால் என்னால் பேசவே முடியலடா..மிக்க மகிழ்ச்சியாக இருக்கறேன் இது பதிவருக்கான ஒரு அங்கீகாரமாக நினைக்கிறேன் எப்படி நன்றி சொல்வது என்று தெரியவில்லை இந்த பதிவுலகிற்கு என்றார்.

மேடையில் உண்மைத்தமிழனுடன்...

பதிவில் நிறைய தைரியமான விசயங்களை அழகாக அவருக்கே உகுந்த சொற்களால் நிறைய எழுதி பல நண்பர்களை பெற்ற ஜாக்கிக்கு வாழ்த்துக்கள்...

அவரைப்போல் நிறைய எழுதி எந்த சந்தர்ப்பத்திலும் எழுதுவதை விடாமல் சமூக அக்கறை கொண்ட பல பதிவுகளை நீங்களும் எழுதுங்கள் அடுத்த விழாவில் பாராட்டப்படும் நபர் நீங்களாகவும் இருக்கலாம்...

அனைவருக்கும் வாழ்த்துக்கள்...

ஜாக்கி நீங்கள் வந்து கலந்து கொண்டு சிறப்பித்ததில் எங்களுக்கு மிக்க மகிழ்ச்சி... மீண்டும் சந்திப்போம் பங்காளி...

ஜெய் ஜாக்கி...!!!

ஜாக்கி சேகருடன் நானும் பேஸ்புக் நண்பர் அன்பழகனும்

(ஈரோடு சங்கமத்தில் இன்னும் நிறைய சுவாரஸ்யங்களுடன் கூடிய சம்பவங்கள் அடுத்த பதிவில் உங்களுக்காக....)

ஈரோட்டில் வரலாறு காணாத பதிவர்கள் சந்திப்பு...

2011-12-18T21:26:00.000-08:00

நிகழ்வு ஆரம்பிப்பதற்கு முன்

ஈரோடு வலைப்பதிவர்கள் குழுமம் சார்பாக கடந்த 3 வருடங்களாக வெற்றிகரமாக நடத்தி வருகிறோம். ஒவ்வொரு வருடமும் நண்பர்களிடன் கூட்டத்தை எங்களின் அன்பினால் எதிர்பார்க்காத அளவு அழைத்து வருகிறோம். இந்த வருடம் வலைப்பதிவர்கள் மட்டுமல்லாமல் முகநூல், டிவிட்டர் நண்பர்களையும் அழைத்திருந்தோம் வருகை தரும் நண்பர்களை மின்அஞ்சல் செய்யுமாறு கூறி இருந்தோம்.

எங்களுக்கு வந்த மின்அஞ்சலைப் பார்த்ததும் எப்படியும் 175 பேரைத்தாண்டும் என்று நினைத்திருந்தோம் ஆனால் 230 நண்பர்கள் கலந்து கொண்டு தங்களின் அன்பினால் திக்குமுக்காடச் செய்தனர் வந்திருந்த நண்பர்கள்.

தமிழ் பதிவுலகில் இது ஒரு வரலாறு காணத கூட்டம்... இது வரை எந்த ஒரு பதிவர் சந்திப்பிலும் இவ்வளவு நண்பர்கள் கூடியதில்லை முதன் முதலாக ஈரோட்டில் சங்கமத்தில் உங்களை எல்லாம் அழைத்து சந்திக்க வைத்ததில் எங்கள் மஞ்சள் மண்ணிற்கும் எங்களுக்கும் பெருமையே..

வெளியூரில் இருந்து தங்களது கடுமையான வேலைப்பளுவிற்கும், பல நிகழ்ச்சிகளுக்கும் நடுவே தங்கள் சிரமத்தை பார்க்காமல் ஈரோடு வந்து சங்கமத்தில் கலந்து கொண்ட தங்களுக்கு எப்படிச் சொல்வது நன்றியை...

பல வேலைகள் இருக்கிறது எங்களால் வர இயலவில்லை என்று தொலைபேசியில் வாழ்த்து தெரிவித்த வெளியூர், மற்றும் வெளிநாடுகளில் வசித்து வரும் நண்பர்களுக்கு எப்படிச் சொல்வது நன்றியை...

நன்றி என்ற ஒரு வார்த்தையில் அடக்கவில்லை தங்களின் மேலான அன்பை...

இச்சங்கமத்தை சிறப்பித்த பதிவர்களுக்கும், முகநூல் மற்றும் டிவிட்டர் நண்பர்களுக்கு எங்களது கோடான கோடி நன்றி....

நிகழ்வுகளையும், சுவாரஸ்யங்கள் இனி வரும் பதிவுகளில்...

தற்போது கலந்து கொண்டபதிவர்கள் பெயர்கள் என் ஞாபகத்தில் உள்ள வரை பதிகிறேன் யாராவது பெயர் விட்டு இருந்தால் பின்னூட்டத்தில் சொல்லுங்க சேர்த்து கொள்கிறேன்... நான் இரவில் இருந்து வரிசையாக சந்தித்தவர்களை அசைபோடுகிறேன்..

மணிஜி, ஜாக்கிசேகர், மயில் ராவணன், அகநாழிகை வாசுதேவன், அபி அப்பா, பிரபாகரன், விந்தை மனிதன் ராஜாராம், வீடு திரும்பல் மோகன் குமார், கேஆர்பி செந்தில் மற்றும் அவர் தம்பி, மெட்ராஸ் பவன் சிவக்குமார், பிலாசபி பிரபாகரன், ஆரூர் முனா, நக்கீரன் ( இவரிடம் தொலைபேசியில் மாப்பு விக்கி, நாஞ்சில் மனோ, மான்புமிகு மாணவன் ஆகியோர் பேசிக்கொண்டு சந்தோசத்தையும், தங்கள் வர இயலாமையையும் கூறினர்) , முகநூல் நண்பர்கள் அன்பழகன், காவேரி கணேஷ், குறும்பட இயக்குநர் செல்வக்குமார் இவர்கள் நண்பர்கள் இரண்டு பேர் (சாரிங்க பேர் மறந்துட்டேன்) , கோபி இவர்களிடன் பேசிய பின் மதுரையில் இருந்து தருமி ஐயா, கார்த்திகை பாண்டியன், ஸ்ரீ, மதுரை சரவணன் இவர்களுடன் இன்னும் ஒருவர், தமிழ்வாசி பிரகாஷ் இரவு சந்தித்தவர்கள்.. காலையில் அண்ணன் உண்மை தமிழன் , மதுரை சீனா ஐயா தம்பதியனர், கோவை கந்தசாமி, மரவளத் வின்சென்ட், முளிகை வளம் ஐயா, தேனம்மை லட்சுமணன், ஜீவ்ஸ், அரவிந்தன், லக்கி யுவகிருஷ்ணா, அதிஷா, குருவை மாதேஸ்வரன், சுரேஷ், குணசீலன், திருப்பூர் வெய்யிலான் மற்றும் சேர்தளத்தைச் சேர்ந்த நண்பர்கள், உழவன், சேலம் தேவா, கோகுலத்தில் சூர்யன் வெங்கட், கோவை மோனி, ராஜசேகர், கோமாளி செல்வா, தமிழ்பேரண்ட்ஸ் சம்பத்குமார், மதுரை கோவிந்தராஜ், ஆகாய மனிதன், சம்பத்குமார், கவிஞர் தமிழரசி, மயில் விஜி, தென்காசி தமிழ்பைங்கிளி, சாதாரணமானவள், எழுத்தாளர் பாலபாரதி, பேஸ்புக் கௌரி ராமமூர்த்தி, எவரெஸ்ட் துரை, ஈரோடு JCI R Erode Metro சேர்ந்த ஈரோடு வெங்கடேசன். கரூர் அன்பழகன், வானம்பாடிகள் பாலா ஐயா, ஷர்புதீன், இன்னும் நிறைய நண்பர்களை சந்தித்ததில் மிக்க மகிழ்ச்சி..

இவர்களுடன் ஈரோடு வலைப்பதிவர்கள் குழுமத்தைச் சார்ந்த தாமோதர் சந்துரு அண்ணா, கதிர், ஆருரன், ஜாபர், பாலசி, லவ்டேல் மேடி, செல்வம் அண்ணா, பாஸ் கார்த்தி, வால்பையன் அருண்ராஜ், வேலு, அகள்விளக்கு ராஜா, பவளசங்கரி, டாக்டர் ரோகிணி மற்றும் சங்கவி என்னும் நான்...

(நண்பர்களே யாராவது பெயரை விட்டிருந்தால் பின்னூட்டத்தில் தெரிவிக்கவும் பதிந்து விடுகிறேன்... (இச்சந்திப்பு பதிவுலகில் ஒரு வரலாறு)

கடந்த 10 நாட்களாக நாங்க சங்கமத்துக்கு வாங்க வாங்க என்று அழைப்பிட்டு இருந்தோம்....

இனி ஈரோடு சங்கமத்தைப்பற்றி இணையமே எழுதித்தள்ளும் அத்தனை சுவாரஸ்யங்கள்...

10 நாட்களுக்கு பதிவெழுத பதிவை தேத்தும் பதிவர்கள்

இதுவரை பதிவிட்டவர்கள் லிங்க்...

http://adrasaka.blogspot.com/2011/12/1_18.html
http://gunathamizh.blogspot.com/2011/12/blog-post_18.html
http://sadharanamanaval.blogspot.com/2011/12/2011.html
http://gokulathilsuriyan.blogspot.com/2011/12/blog-post_19.html
http://www.tamilvaasi.com/2011/12/blog-post_19.html
http://veeedu.blogspot.com/2011/12/blog-post_18.html

ஈரோடு வாங்க சங்கமத்தில் சந்திப்போம்....

2011-12-16T04:56:00.000-08:00

ஈரோடு சங்கமம் 2011

நாள்: 18.12.2011 ஞாயிறு

இடம் : ரோட்டரி சி.டி ஹால், பழையபாளையம், ஈரோடு.

நண்பர்களே தங்களுக்கு தேவையான அனைத்து ஏற்பாடுகளும் தயாராகிக்கொண்டு இருக்கிறது. அனைவரும் சரியாக 9.30க்கு நிகழ்ச்சி நடைபெறும் இடத்திற்கு வரவும். தங்களை வரவேற்பதில் மிக்க மகிழ்ச்சி கொள்கிறோம்...

வாங்க சந்திப்போம்....

மேலும் விபரங்களுக்கு

தாமோதர் சந்துரு (தலைவர்) 93641-12303 ,
க.பாலாசி (செயலர்) 90037-05598,
கார்த்திக் (பொருளர்) 97881-33555,
ஆரூரன் - 98947-17185 ,
கதிர் – 98427-86026,
வால்பையன் - 99945-00540,
ஜாபர் - 98658-39393,
ராஜாஜெய்சிங் - 95785-88925,
சங்கவி – 9843060707

அஞ்சறைப்பெட்டி 15.12.2011

2011-12-14T23:43:00.000-08:00

உள்ளுரில் இருந்து உலகம் வரை........

மழையினால் பாதிக்கப்பட்ட சாலையை புதிதாக போடுவார்கள் என்று எதிர்பார்த்தேன் ஆனால் பாதிக்கப்பட்ட இடங்களில் எப்படி மட்டும் இஸ்த்திரி போடுகின்றனர்...

மழையால் குண்டும் குழியுமாக உள்ள சாலை இனி மேடு பள்ளமாக இருக்கும்...

ஆக நமக்கு சேதாரம் ஒன்னுதான்....

...............................................................................................

தினமும் செல்லும் சாலையில் ஒரு ரேஷன் கடை உள்ளது சமீபத்தில் அலுவலகம் முடிந்து இரவு 9 மணிக்கு மேல் கடந்த 3 நாட்களாக செல்கிறேன் தினமும் அங்கு கூட்டம் இருந்தது அடுத்த நாள் காலை பார்த்தால் பெரிய கியூ நிற்கிறது. நேற்று இரவு இறங்கி பார்த்தேன் அப்பதான் தெரிந்தது தினமும் இரவில் இருந்து மண்ணெண்ணை வாங்குவதற்கு வரிசையா இரவில் இருந்து பகல் வரை கேன் வைத்து காவல் இருக்கின்றனர்..

நாடு இந்த அளவுக்கு முன்னேற்றம் ஆகி என்ன செய்வது ரேஷன் பொருட்களை வாங்குவதற்கு அந்த காலத்தில் இருந்து இந்தகாலம் வரை ஒரு நிலையில் தான் இருக்கிறோம்...

...............................................................................................

மீண்டும் பெட்ரோல் விலை ஏற்றம் இந்த பெட்ரோல் மூலப்பொருளான கட்சா எண்ணெய் விலை உயர்ந்து விட்டால் உடனே பெட்ரோல் விலையை ஏற்றுகின்றனர். கச்சா எண்ணெய் விலை குறைந்து விட்டால் மட்டும் இல்லை விலையை குறைக்க இயலாது நாங்க நஷ்டத்தில் இருக்கிறோம் என்கிறார்கள் ஆனால் இவர்களின் ஆண்டறிக்கையில் கோடிக்கணக்கில் இலாபம் காட்டப்படுகிறது...

என்ன கொடுமை சார் இது...

...............................................................................................

கேரளாக்காரனுகளுக்கு கோர்ட் ஆப்பு மேல ஆப்படிச்சாலும் அடங்க மாட்டேன் என்கிறார்கள்.. கேவலம் பெண்கள் மேல் தாக்குகிறார்கள் ஈவு இரக்கமற்ற மிருகங்கள்...

இங்க இருந்து கேரளாவுக்கு போற அத்தனை வழியையும் ஒரு வாரத்துக்கு அடைச்சிடனும், முக்கியமா ரயில் போக்குவரத்தை ரத்து செய்யனும் அப்பதான் கஞ்சியானுக கஞ்சிக்கு வழியில்லாம வழிக்கு வருவானுக...

................................................................................................

மாலை மலரில் ஒரு வாசகர் போட்ட கமெண்ட்...

நான் தமிழனா??? ஈழப் படுகொலை...!அழைத்தோம் போராட்டத்திற்கு எந்த தமிழனும் வரவில்லை...! ஏன் என்று கேட்டதற்கு அது பக்கத்து நாட்டு பிரச்சனை என்றான்...!

பால் விலையேற்றம்....! அழைத்தோம் போராட்டத்திற்கு எந்த தமிழனும் வரவில்லை...! ஏன் என்று கேட்டதற்கு அது தடுக்க முடியாதது என்றான்...!

எரிபொருள் விலையேற்றம் ....!அழைத்தோம் போராட்டத்திற்கு எந்த தமிழனும் வரவில்லை...! ஏன் என்று கேட்டதற்கு அது மத்திய அரசு ஆணை நம்மால் ஒன்னும் செய்ய முடியாது என்றான்...!

மீனவர் தாக்குதல்...!அழைத்தோம் போராட்டத்திற்கு எந்த தமிழனும் வரவில்லை...! ஏன் என்று கேட்டதற்கு மீனவன் ஏன் எல்லைதாண்டி போகிறான் என்றான்...!

முல்லை பெரியாறு பிரச்சனை...!அழைத்தோம் போராட்டத்திற்கு எந்த தமிழனும் வரவில்லை...! ஏன் என்று கேட்டதற்கு எனக்கு முல்லை பெரியாறு நீர் வருவதில்லை என்றான்...!

இதோ இன்று...! சபரி மலையில் ...தமிழர்கள் தாக்கப்பட்டனர்..!அழைப்போம் போராட்டத்திற்கு எந்த தமிழனும் வரமாட்டான் ...!

ஏன் என்று கேட்டால் ...யார் அவர்களை கேரள கோயிலுக்கு போகச்சொன்னது என்பான் ...!

ஆனால்.......! இந்திய -மேற்கிந்திய தீவுகள் இடையிலான ஒருநாள் போட்டி சென்னையில் .. எவனும் அழைக்க வில்லை...! வேலை வெட்டியை விட்டுவிட்டு வரிசையில் நின்று அனுமதி சீட்டு வாங்குகிறான்..! ஏன் என்று கேட்டால் ....தேசபற்று என்கிறான்...! அடேய் ..! தமிழா வாழ்க உனது தேசப் பற்று..!

................................................................................................

ஆந்திர மாநிலம் ஸ்ரீகாகுளம் மாவட்டம் கொத்தவலசா கிராமத்தில் உள்ள அரசினர் பள்ளியில் 9-ம் வகுப்பு படித்து வருபவன் சூரப்பா நாயுடு. இவனுக்கு கடந்த சில மாதங் களாக தீராத வயிற்று வலி இருந்தது. இதனால் அவன் விசாகப் பட்டினத்தில் உள்ள தனியார் ஆஸ்பத்திரியில் சேர்க்கப்பட்டான்.

அவனை பரிசோதித்த டாக்டர்கள் குடல்வால் காரணமாக வயிறு வலி ஏற்படுவதாக கண்டறிந்தனர். இதையடுத்து அவனுக்கு டாக்டர்கள் கருணாகர்ராவ், சரத்குமார் குடல்வால் ஆபரேசன் செய்தனர். அப் போது அவனுக்கு வலது புறத்தில் இதயம் இருப்பதை பார்த்து அதிர்ச்சி அடைந்தனர். இதே போல் அவனுக்கு கல்லீரல், சிறுநீர்ப்பை ஆகியவையும் இடம் மாறி இருந்தன.

இதுபற்றி டாக்டர் கருணாகர்ராவ் கூறும்போது-

வழக்கமாக எல்லோருக்கும் இதயம் இடதுபுறத்தில்தான் இருக்கும். ஆனால் சூரப்பா நாயுடுவுக்கு வலது புறத்தில் இதயம் இருப்பது ஆச் சரியமாக உள்ளது. லட்சத்தில் ஒருவருக்கு இந்த மாதிரி இதயம் இடம் மாறி இருக்கும். இதயம், கல்லீரல், சிறு நீர்ப்பை போன்றவை இடம் மாறி இருந்தாலும் அவனது உடல்நிலை நன்றாகவே உள்ளது என்றார்.

..................................................................................................

லோக்பால் மசோதாவிற்காக மனிதன் உண்ணாவிரம் இருந்து பார்க்கிறார் ஒன்னும் அசரமாட்டேன் என்கிறார்கள் மத்தியில் ஆளும் கட்சியினர்...

லோக்பால் வருமா? வராதா? இனி நாடெங்கும் பட்டிமன்றம் நடத்த வேண்டியது தான்...

..................................................................................................

ஈரோட்டில் பதிவர் சங்கமம் 18.12.2011

பதிவர் சந்திப்பு வருகிற 18.12.2011 ஞாயிறு அன்று ஈரோட்டில் நடைபெற உள்ளது.

இடம் : ரோட்டரி சி.டி ஹால், பழையபாளையம், ஈரோடு.

பதிவர்கள், முகநூல் நண்பர்கள், டிவிட்டர்கள் அனைவரையும் வருக வருக என அன்புடன் வரவேற்கிறோம்....

தகவல்

மார்பக புற்றுநோய்க்கு இன்னும் 3 ஆண்டுகளில் புதிய மருந்து கண்டு பிடிக்கப்படும் என விஞ்ஞானிகள் தெரிவித்தனர். உலகில் லட்சக்கணக்கான பெண்கள் மார்பக புற்று நோயால் அவதிப்பட்டு வருகின்றனர். இந்த நோயை குணப்படுத்த விஞ்ஞானிகள் மருந்து தயாரிக்கும் பணியில் மும்முரமாக உள்ளனர். அமெரிக்காவின் ஜார்ஜியா பல்கலைக்கழகத்தைச் சேர்ந்த சர்வதேச நிபுணர்கள் குழு இந்த மருந்து தயாரிப்பில் ஈடுபட்டுள்ளனர்.

தற்போது அந்த பணி முடிந்து விட்டது. அதை எலிகளின் உடலில் செலுத்தி பரிசோதிக்கப்பட்டது. அதன் மூலம் அந்த ஊசி மருந்து மார்பக புற்றுநோயை மட்டுமின்றி, கணைய புற்று நோயையும் குணப்படுத்தக் கூடியது என கண்டறியப்பட்டுள்ளது. அதை தொடர்ந்து அந்த மருந்தை மார்பக புற்றுநோயால் பாதித்த பெண்ணின் உடலில் செலுத்தி பரிசோதனை நடத்தப்பட்டு வருகிறது.

இந்த சோதனைக்கூட அளவில் உள்ளது. இதன் மூலம் 90 சதவீத மார்பக புற்றுநோய் குணமாகுகிறது. எனவே, முற்றிலும் நோய் குணமாகும் வகையில் மருந்து தயாரிக்கப்படுகிறது. அவை வருகிற 2013-ம் ஆண்டு இறுதியில் அதாவது 3 ஆண்டுகளில் பயன்பாட்டுக்கு வரும் என எதிர்பார்க்கப்படுகிறது.

தத்துவம்

மனித சமுதாயம் முன்னேற வேண்டுமானால் பழைமை என்பவைகளைக் கைவிட்டு புதுமைகளைக் கைக்கொள்ள வேண்டும்.

உற்சாகமாக இருக்கத் தொடங்குவதுதான் வெற்றிகரமான வாழ்க்கை வாழத் தொடங்குவதற்கான முதல் அறிகுறி.

ஆயிரம் நூல்களைக் கற்பதைவிட அறிஞர்கள் கூறும் பழமொழிகளே அதிக அறிவைத் தரும்.

ஈரோடு சங்கமத்துக்கு முன்பதிவு செய்துவிட்டீர்களா??

2011-12-14T20:37:00.000-08:00

நண்பர்களே வணக்கம்....

வருகிற 18ம் தேதி அன்று ஈரோட்டில் நடைபேரும் சங்கமத்தில் கலந்து கொள்ள விரும்பும் வலைப்பதிவர், முகநூல், டிவிட்டர் மற்றும் வாசகர்கள் மறக்காமல் தங்கள் வருகையை பதிவு செய்ய வேண்டுமாய் அன்போடு கேட்டுக்கொள்கிறோம்.

நீங்கள் பதிவு செய்வதன் மூலம் தங்கள் வருகையை அறிந்துதான் ஏற்பாடுகள் செய்ய முடியம். ஆகவே முன்பதிவு அவசியம் அவசியம்....

முன் பதிவு செய்வதற்கான மிக முக்கிய காரணம் மதியம் சைவ / அசைவ உணவுகள் மற்றும் வெளியூரில் இருந்து வரும் நண்பர்களுக்கு தங்குவதற்கும், குளிப்பதற்கும் ஏற்பாடுகள் செய்ய வேண்டி இருக்கிறது ஆதலால் தேவை முன்பதிவு, முன்பதிவு....

உதாரணத்திற்கு: முன்பதிவு செய்தவர்க 25 பேர் என்றால் வந்தது 75 பேர் வந்து விட்டால் வந்தவருக்கும் சிரமம், விழா நடத்தும் எங்களுக்கும் சிரமம்.

ஆகவே சிரமம் பார்க்காமல் முன் பதிவு செய்யவும்....

முன் பதிவு செய்பவர்கள் கவனத்திற்கு இன்று தான் கடைசி நாள்

15.12.2011 வியாழக்கிழமைக்குள் erodesangamam@gmail.com என்ற மின்னஞ்சல் முகவரிக்கு

தங்கள் பெயர்
தொடர்பு எண் (optional)
மின்மடல் முகவரி
வலைப்பக்க(blog-Facebook-Twitter ID) முகவரி / பெயர்
..... ஆகியவற்றுடன் மின் மடல் செய்யவேண்டுகிறோம்.

நிகழ்ச்சியன்று அரங்கிற்குள் 9.30க்குள் தங்கள் வருகையை உறுதிசெய்யவும். நிகழ்ச்சியில் கலந்துகொள்ளக் கட்டணம் ஏதுமில்லை.

மேலும் விபரங்களுக்கு

அனைவரும் வந்து நிகழ்ச்சியை சிறப்பிக்க வேண்டுகிறேன்....

மறந்து விடாதீர்கள் முன்பதிவு... முன்பதிவு.... அவசியம்

ஈரோடு சங்கமத்தில் முட்டையில் பூரி ( உணவு ஸ்பெஷல்)

2011-12-12T21:17:00.000-08:00

ஈரோடு மாவட்டம் எப்பவும் விருந்தினர்களை கவனிப்பதிலும், வரவேற்பதிலும் காலம் காலமாக பேர் பெற்றது. வரும் விருந்தினர்களுக்கு விருந்து வைத்து அசத்தி அனுப்புவதில் ஈரோட்டு மக்களுக்கு எப்போதும் தனி இடம் உண்டு.

கடந்த 2009 சங்கமத்தில் வந்திருந்த விருந்தினர்களை இரவு உணவில் அசத்தியிருந்தோம். இதைப்பற்றி கடந்த முறை வந்திருந்த அனைத்து பதிவர்களும் அவர்களது பதிவில் குறிப்பிட்டு இருந்தனர். இம்முறை அதை விட அசத்த வேண்டும் என முடிவு செய்தோம்.

எங்கள் ஊரில் கிடா விருந்துக்கு என்று தனி அடையாளம் உண்டு. கிடா விருந்து போல மதிய உணவை ஏற்பாடு செய்து அசத்தி விடலாம் என சொல்லவும் உடனே தாமோதர் அண்ணன் வீட்டு விசேஷங்களுக்கு சமைக்கும் பரமு என்ற சமையல்காரரை அறிமுகம் செய்து ஏற்பாடும் செய்தார்.

முதலில் இரவில் வரும் பதிவர்களுக்கு உணவு ஏற்பாடு செய்தோம் இரவு வந்த பதிவர்களில் என் பங்காளி பிரபாகர், கார்த்திகை பாண்டியன், ஸ்ரீ, கும்க்கி, எழில் மற்றும் ஈரோடு குழும உறுப்பினர்கள் தான் இருந்தோம் நான் கடைசியாகத்தான் வந்தேன் உள்ளே வரும் போதே அரூரன் ஒரு தட்டு நிறைய ஆம்லெட் உடன் வந்தார். தாமோதர் சந்துரு அண்ணாவிடம் என்ன சிறப்பு உணவு இரவுக்கு என்றேன் இரவு முட்டை என்றார்.

முட்டை தோசை, ஆம்லெட், கலக்கி, ஆப்பாயில் என்று வரிசையாக வந்தது. இரவு உணவிற்கு இட்லிக்கு சிக்கென் குழம்பு வைத்திருந்தார் பாருங்க சட்டினியுடன் சேர்த்து சாப்பிட்டாலும் அதன் சுவை தனி (இரவு வராத பதிவர்கள் ரொம்ப மிஸ் பன்னீட்டீங்க).

தாமோதர் அண்ணனிடம் என் பங்காளி பிரபாகர் அண்ணா காலை என்ன சிறப்பு என கேட்க முட்டை பூரி என்றார் என்னது முட்டை பூரியா என்று எல்லோரும் வாயைப் பிழந்தோம். காலைல மட்டுமல்ல மதியம் வந்து சாப்பிட்டு பாருங்க அப்புறம் பேசுவோம் என்றார்.

இரவு நானும், பங்காளியும் அதைப்பற்றி ஒரு சிறு விவாதமே நடத்தினோம். காலை எங்க அடுத்த பங்காளி அண்ணன் ஜாக்கி வந்தார். நான் பிரபாகர், ஜாக்கி, கார்த்திகை பாண்டியன், ஆர்.கே சரவணன் பேசிக்கொண்டு இருக்கும் போது நான் இரவு உணவைப்பற்றியும், முட்டை பூரியைப்பற்றியும் சொன்னேன் கார்த்திகை பாண்டியன் நீங்க சொல்றத பார்த்தா இப்பவே பசிக்குதுங்க என்றார். ஜாக்கியோ என்னடா சொல்ற முட்டைல பூரியா வந்து பார்க்கிறேன் என்றார்.

காலை உணவு இட்லி, தோசை, பூரி, முட்டை பூரி அதற்கு தக்காளி குருமா, தேங்காய் சட்னி, உருளைக்கிழங்கு மசால் என அசத்தினர். பூரில முட்டைய பார்த்ததும் எனக்கு எப்படி சாப்பிடவது என்று தெரியவில்லை. வழக்கமாக ஆப்பாயில் சாப்பிடற மாதிரி சாப்பிட்டு அசிங்கப்பட்டேன் ஆனால் எம் பங்காளி பிரபாகர் தாமோதர் அண்ணனை கூப்பிட்டு எப்படி அண்ணா சாப்பிடுவது என கேட்க சூப்பரா சொன்னார் பூரி, முட்டை மேல மசால் ஊற்றி மூன்று சுவையையும் ஒன்றாக சாப்பிடு என்றார். பிரபா சாப்பிட்டு விட்டு அருமையான சுவை என்றார்.

ஜாக்கி காலைல அடிச்ச கமெண்ட் பாசக்காற பயலுக காலைல சாப்பாடே அசத்திட்டீங்க மதியம் எதிர் பார்க்கிறேன் என்றார்.

மதியம் ஈரோட்டு மண்ணிற்கே உரித்தான தலைவாழை இலையுடன் கிடா விருந்து சாப்பாடு. மட்டன் வறுவல் கொஞ்சம் கிரேவியுடன், ஒரு கால்கிலோ வைத்தார், அடுத்து பள்ளிபாயைம் சிக்கன் ஒரு கால்கிலோ, தக்காளி முட்டை , தலைக்கறியும் குடலும் வைத்தனர் கடைசியாக கொஞ்சம் சாப்பாடு, சாப்பாட்டுக்கு கறியும் கிரேவியும் கலந்த குழம்பு, எழும்புக் குழம்பு, ரசம், தயிர் எந்த ஓட்டலிலும் கிடைக்காத ஓர் திருப்தியான சாப்பாடு. சாப்பிட்டதும் ஜாக்கி டேய் வாழ்க்கையில் மறக்க முடியாத சாப்பாடு அசத்தீட்டீங்க என்றார்.

இந்த அற்புதமான உணவிக்கு பின் நிறைய நண்பர்களின் உழைப்பு இருக்கிறது காலை 4 மணிக்கே சென்று ஜாபரும், கார்த்தியும் கறி எடுத்து வந்தனர். அண்ணன் தாமோதர் சந்துரு வெங்காயத்தை தூக்கிட்டு அங்கே இங்கே என்று பறக்கிறார் ஆருரன் ஒவ்வொருவராக உங்களுக்கு என்ன வேண்டும் என கேட்டு கேட்டு பறிமாறுகிறார். கதிர் கறியை இரத்தம் சொட்ட சொட்ட இரண்டாவது மாடிக்கு தூக்கி செல்கிறார். இவர்களின் உழைப்பே இன்று அனைவரும் பாராட்டு வகையில் உணவு அமைந்ததற்கு முக்கிய காரணம்..

இந் நிகழ்ச்சியில் கலந்து கொண்டவர்கள் எதை மறந்தாலும் நிச்சயம் சாப்பாட்டை மறக்க முடியாது என்று கூறினால் மிகையாகது..

இது ஒரு மீள் பதிவு....

இந்த நிகழ்ச்சி நடந்தது 2010 ல், இந்த வருடம் நிச்சயமா சூப்பரான மதிய விருந்து அனைவரும் எதிர்பார்க்கும் வகையில் நிச்சயம் வாழ்வில் ஈரோடு சங்கமம் மறக்க முடியாத வகையில் விருந்து இருக்கும்..

கடந்தமுறை வரமுடியாதவர்கள் எல்லாம் இந்த முறை வாங்க வாங்க நிறைய ஸ்பெசல் காத்திருக்கு....

ஈரோடு சங்கமம் 2011

நாள்: 18.12.2011 ஞாயிறு

இடம் : ரோட்டரி சி.டி ஹால், பழையபாளையம், ஈரோடு.

சங்கமத்திற்கு வரும் நண்பர்கள் மிக முக்கியமாக தங்கள் பெயரை பதிவு செய்து கொள்ள வேண்டுகிறோம். தாங்கள் பெயர் பதிவு செய்வதன் மூலம் உணவு மற்றும் விழா ஏற்பாடு செய்ய ஏதுவாக இருக்கும் மறக்காமல் முன்பதிவு செய்யுங்கள்.... முன்பதிவு செய்யுங்கள்...

நிகழ்வில் கலந்துகொள்ள விரும்பும் அனைவரும், தங்கள் வருகையை 15.12.2011 வியாழக்கிழமைக்குள் erodesangamam@gmail.com என்ற மின்னஞ்சல் முகவரிக்கு

மேலும் விபரங்களுக்கு

வலைப்பதிவு, முகநூல் & டிவிட்டர் நண்பர்களே வாங்க ஈரோடு சங்கமத்துக்கு..

2011-12-11T20:22:00.000-08:00

ஈரோடு சங்கமம் கடந்த இரண்டு வருடங்களாக வெற்றிகரமாக நடைபெற்று வருகின்றது. கடந்த இரண்டு வருடங்களும் நிறைய நண்பர்கள் வந்திருந்து சங்கமத்தை சிறப்பாக நடத்திக்கொடுத்தனர்.

கடந்த வருடங்களில் வலைப்பதிவர்கள் அதிகமாக சந்தித்தோம் கால ஓட்டத்துக்கு ஏற்ப தற்பொது

வலைப்பதிவர், முகநூல், டிவிட்டர் , கூகுள்பஸ்

மற்றும் இணைய வாசகர்களையும்

இச்சங்கமத்தில் கலந்து கொள்ள

வருக வருக

என் அன்போடு வரவேற்கிறோம்.

நாள்: 18.12.2011 ஞாயிறு

இடம் : ரோட்டரி சி.டி ஹால், பழையபாளையம், ஈரோடு.

முன்பதிவு செய்வதன் மிக முக்கியக்காரணம் மதியம் சைவ / அசைவ உணவு ஏற்பாடு செய்யப்படுகிறது. சரியான எண்ணிக்கை தெரியாத போது உணவு போதாமல் அமையவோ, கூடுதலாக அமைந்து வீணாகவோ வாய்ப்பிருப்பதை முற்றிலும் தவிர்க்கவே. நிகழ்ச்சியன்று அரங்கிற்குள் 9.30க்குள் தங்கள் வருகையை உறுதிசெய்யவும். நிகழ்ச்சியில் கலந்துகொள்ளக் கட்டணம் ஏதுமில்லை.

மேலும் விபரங்களுக்கு

நண்பர்களே உங்கள் வருகை அதிகரிக்க அதிகரிக்க இந்நிகழ்ச்சியின் மேலும் மேலும் சிறப்பாக அமையும்...

ஈரோடு வலைப்பதிவர் சங்கமம் பற்றிய எனது முந்தைய பதிவுகள்...

2009 ம் ஆண்டு ஈரோடு பதிவர் சங்கமம்

2010 ம் ஆண்டு ஈரோடு பதிவர் சங்கமம்

அஞ்சறைப்பெட்டி 08.12.2011

2011-12-07T23:26:00.000-08:00

உள்ளுரில் இருந்து உலகம் வரை........

எனது வலைப்பதிவிற்கும் 500 நண்பர்கள் பலோயர்ஸ் ஆக பெற்றதில் மிக்க மகிழ்ச்சி.. நான் எதிர் பார்க்கவில்லை எனக்கும் இத்தனை நண்பர்கள் கிடைப்பார்கள் என்று. நண்பர்கள் இவ்வளவு பேர் கிடைத்ததில் சந்தோசம்... எனது பதிவை தொடர்ந்து படிப்பவர்களுக்கும், பின்னூட்டமிட்டு ஊக்கப்படுத்தும் நண்பர்களுக்கு

நன்றி... நன்றி...நன்றி...

...............................................................................................

2ஜி வழக்கில் இருந்து கனிமொழி, சரத்குமார் ஜாமீனில் விடுதலை தான் ஆனால் அவர்களுக்கு சென்னை விமான நிலையத்தில் கொடுத்த உற்சாக வரவேற்பை நினைக்கும் போது சிரிப்பு தான் வருகிறது.

ஜாமீனுக்குகே இந்த வரவேற்பா ? அன்று ஏற்பட்ட போக்குவரத்து நெறிசல் அவர்கள் தொலைக்காட்சியில் காட்டிய இவ்வரவேற்பு மக்களிடம் முகம் சுளிக்கத்தான் வைத்தது. இந்த ஜாமீன் நாடாளுமன்ற தேர்தலின் போது இச்சம்வம் நடந்திருந்தால் நிச்சயம் எதிரொலிக்கும் மக்கள் வாக்கில்...

...............................................................................................

முல்லை பெரியாறு பிரச்சனையை தேவையில்லாமல் பெரும் அரசியலாக்குகின்றனர் கேரளா அரசியல்வாதிகள் இதில் பாதிக்கப்படுவது கேரள அப்பாவி பொது மக்களும், அப்பாவி தமிழனும் தான்...

இப்பிரச்சனையில் முதலில் தாக்க ஆரம்பித்தது மலையாளிகள் தான். கேரள அரசிற்கும், கேரள மக்களுக்கும் அதிக வருமானத்தை தேடித்தருவது ஜயப்பன் கோயில் மூலமாகத்தான் அங்கு வரும் பக்தர்கள் அப்படியே சுற்றுலா செல்வதால் கேரளாவிற்கு அதிக வருமானம் கிடைக்கிறது.

தமிழகர்கள் அதிகம் பேர் ஐயப்பன் மழைக்கு செல்கின்றனர் அவர்களைத் தாக்குவதால் இழப்பு கேரளாவிற்குத்தானே தவிர தமிழர்களுக்கு இல்லை. இங்குள்ள மலையாளி வணிக வளாகத்தை ஒரு சில தமிழர்கள் தாக்குவது கண்டனத்துக்கு உரியது.. ஆனால் மலையாளிகள் தெரிந்து கொள்ள வேண்டிய விசயம் நாம் தாக்கினால் பின் அவர்களும் தாக்குவார்கள் என்று...

தமிழகத்தில் நிறைய மலையாளிகள் வாழ்கிறார்கள் என்பதையும், தமிழர்கள் கேரளாவில் வாழ்கிறார்கள் என்பதை இரு மாநிலத்தவரும் உணரவேண்டும். இதை தூண்டிவிடும் நபர்களும் உணர வேண்டும்...

தமிழகத்தில் இருந்து லாரிகள் செல்லவில்லை என்றால் அவர்களுக்கு அத்தியாவசியப் பொருட்கள் கிடைக்காது என்பதை அறிய வேண்டும்...

...............................................................................................

ஐயப்ப பக்தர்களே வருடா வருடம் மாலை போட்டு விரதம் இருந்து கேரளாவில் போய் செலவு செய்து மலையாளிகளை வாழ வைத்தது போதும் இனி நம் தமிழ்நாட்டில் உள்ள பழனி, திருவண்ணாமலைக்கு சென்று வழிபடுங்கள்... முருகனின் அறுபடை வீடுக்கு செல்லுங்கள் இனியாவது தமிழனை வாழ வையுங்கள்.....

................................................................................................

உணவு பணவீக்கம் கூடாமல் இருப்பதற்கு நாம் கடினமாக உழைக்க வேண்டும் சொன்னவர் பிரணாப்முகர்ஜி... ஐயா நாங்க உழைக்கிறோம் ஆனால் நீங்க விலையேற்றத்தை கட்டுப்படுத்த உழையுங்க..

எப்ப விலையேற்றம் நடைபெற்றாலும் நீங்க சொல்லும் பதில் எங்க கையில் ஒன்றும் இல்லை... விலையை குறைக்க இயலாது என்று தான் சொல்றீங்க...

................................................................................................

நில அபகரிப்பு வழக்கில் என் மீது சுமத்தப்பட்டுள்ள குற்றம் நிரூபிக்கப்பட்டால் என்னை நானே தண்டித்துக் கொள்வேன் என்று திமுக பொருளாளர் மு.க. ஸ்டாலின் தெரிவித்துள்ளார்.
என்னை ஏன் கைது செய்யவில்லை என்கிறீர்கள் இப்ப இப்படி சொல்றீங்க... அப்ப என்ன நடந்தது என்று நீங்களே சொல்லுங்க...

..................................................................................................

சாரயம் விற்றால் தூக்கு தண்டனை குஜராத்தில் அதிரடி சட்டம் கலக்கராங்கப்பா குஜராத்காரங்க...
நம்ம ஊர்ல என்னடான்ன டாஸ்மார்க் இல்லை என்றால் அரசையே நடத்த முடியாது என்கிறார்கள்...
அங்க என்னடான்னா விற்றால் தூக்கு தண்டனை என்கிறார்கள்.. ஒரே நாட்டில் எத்தனை விதமான சட்டங்கள்...

..................................................................................................

பேஸ்புக், ஆர்குட், டுவிட்டர், கூகுள் பிளஸ் என பல்வேறுபட்ட சமூக வலைதளங்கள் இணையத்தில் இயங்கி வருகின்றன. இங்கு வரம்பை மீறினால் நடவடிகக்கை என்று அறிவித்துள்ளார் கபில் சிபில்...
ஏம்பா இவர தாக்கு தாக்குன்னு கமெண்ட் போட்டும் மனுச அசர மாட்டேன் என்கிறார். இனிமேல் நாம யாரை தாக்கி எழுதினாலும் நடவடிக்கை எடுப்பாங்க போல... பாத்து சூதனமா இருக்கேனும் இனி...

..................................................................................................

ஈரோட்டில் பதிவர் சங்கமம் 18.12.2011

பதிவர் சந்திப்பு வருகிற 18.12.2011 ஞாயிறு அன்று ஈரோட்டில் நடைபெற உள்ளது.

இடம் : ரோட்டரி சி.டி ஹால், பழையபாளையம், ஈரோடு.

நிகழ்ச்சி நிரல் பற்றிய செய்திகள் விரைவில்...

பதிவர்கள், முகநூல் நண்பர்கள், டிவிட்டர்கள், வாசகர்கள் அனைவரையும் வருக வருக என அன்புடன் வரவேற்கிறோம்....

தகவல்

வானவியல் குறித்து ஆய்வு நடத்த அமெரிக்காவின் “நாசா” விண்வெளி மையம் சக்தி வாய்ந்த அதிநவீன கெப்லர் டெலஸ்கோப்பை பயன்படுத்தி வருகிறது. அதன் மூலம் ஆய்வு மேற்கொண்ட விஞ்ஞானிகள் சமீபத்தில் பூமி போன்று மற்றொரு கிரகம் வானத்தில் இருப்பதை கண்டுபிடித்தனர்.

அதற்கு “கெப்லர் 22-பி” என பெயரிட்டனர். அந்த கிரகம் பூமியில் இருந்து 600 வெளிச்ச ஆண்டுகள் தொலைவில் 1 லட்சத்து 50 ஆயிரம் நட்சத்திரங்கள் மத்தியில் உள்ளது. பூமியை விட 2.4 மடங்கு பெரியது. இங்கு 22 டிகிரி செல்சியஸ் தட்ப வெப்பம் நிலவுகிறது. அது பூமிக்கு மிக அருகில் உள்ளது. அந்த கிரகத்தில் பெரும்பாலான பகுதிகள் எப்படி இருக்கும் என கணிக்க முடியவில்லை.

அவை பாறைகளாகவோ, கியாஸ் அல்லது திரவ நிலையிலோ இருக்கலாம் என கருதப்படுகிறது. இந்த புதிய கெப்லர் 22-பி கிரகம் குறித்து சமீபத்தில் நடந்த வானவியல் விஞ்ஞானிகள் மாநாட்டில் விவாதிக்கப்பட்டது. அப்போது, இந்த கிரகம் பூமியை போன்றதுதான் என உறுதி செய்து அறிவிக்கப்பட்டது. அங்கு உயிரினங்கள் வாழ முடியும் என்றும் கருதப்படுகிறது.

அறிமுக பதிவர்

இந்த வார அறிமுகப்பதிவர் சுரேஷ்குமார் இவரின் பதிவுகள் நக்கல் நையாண்டியுடன் படித்த உடன் சந்தோசத்தை ஏற்படுத்துகின்றது. இவர் ஈரோடு மாவட்டத்தை சேர்ந்தவர் என்பதில் மிக்க மகிழ்ச்சி....

http://veeedu.blogspot.com/

தத்துவம்

துன்பங்களை பலர் பொறுத்து கொள்கின்றனர். ஆனால், அவமதிப்பை சகிப்பவர்கள் வெகு சிலர் தான்..

எப்போதும் உற்சாகமாய் இருங்கள் உலகத்தில் ஏற்கனவே இருக்கும் உம்மனா மூஞ்சிகள் போதும்..

தவறு செய்து விட்டோம் என்று தெரிந்தும், அதை ஒப்புக்கொள்ள வெட்கப்படாதே..

ஈரோட்டில் பதிவர் சங்கமம் 18.12.2011

2011-12-06T20:22:00.001-08:00

பதிவுல தோழர்களே அனைவருக்கும் வணக்கம்..

கடந்த வருடம் ஈரோட்டில் பதிவர்கள் சந்திப்பு அற்புதமாக நடைபெற்றது. அதில் நிறைய பதிவர்கள் பங்கேற்று ஒரு சிறப்பான சந்திப்பு உருவாக்கி கொடுத்தீர்கள்..

இந்த வருடம் ஈரோடு வலைப்பதிவு குழுமம் சார்பாக மீண்டும் ஓர் அற்புத சந்திப்பிற்கு ஏற்பாடுகள் நடைபெற்றுக்கொண்டு இருக்கின்றன. நட்புக்கள் எல்லாம் ஈரோடு வாங்க வாங்க...

பதிவர் சந்திப்பு வருகிற 18.12.2011 ஞாயிறு அன்று ஈரோட்டில் நடைபெற உள்ளது.

இடம் : ரோட்டரி சி.டி ஹால், பழையபாளையம், ஈரோடு.

நிகழ்ச்சி நிரல் பற்றிய செய்திகள் விரைவில்...

பதிவர்களே இந்த அற்புமான சந்திப்பிற்கு வாங்க சங்கமிக்கலாம்...

மேலும் விபரங்களுக்கு தொடர்பு கொள்ளுங்கள்....

தாமோதர் சந்துரு 93641-12303
ஆரூரன் - 98947-17185
கதிர் - 98653-90054
கார்த்திக் - 97881-33555
பாலாசி - 90037-05598
வால்பையன் - 99945-00540
ஜாபர் - 98658-39393
ராஜாஜெய்சிங் - 95785-88925
சங்கவி - 9843060707

அஞ்சறைப்பெட்டி 01.12.2011

2011-11-30T21:43:00.001-08:00

உள்ளுரில் இருந்து உலகம் வரை........

ஊரெங்கும் பெய்த மழையால் எல்லா சாலைகளும் குண்டும் குழியுமாக காட்சி அளிக்கிறது. மழையினால் பாதிக்கப்பட்ட சாலை சாலைகளை போர்க்காள அடிப்படையில் சீராக்கினால் மக்கள் மட்டுமல்ல மந்திரிகளும் சொகுசாக செல்லலாம்..

சமீபத்தில் பவானியில் இருந்து மேட்டூர் செல்லும் சாலையில் பயணிக்கும் போது 27 கிலோமீட்டர் தூரத்தை கடக்க 2 மணி நேரம் ஆனது அந்த அளவிற்கு சாலைகள் உள்ளன. அதை சாலை என்று கூற இயலாது. துளை விழுந்த சாலை என்று கூறலாம்..

சீக்கிரமா சாலையை செப்பனீடுங்கப்பா...

...............................................................................................

2ஜி வழக்கில் இருந்து அனைவரும் எதிர்பார்த்து கொண்டிருந்த கனிமொழிக்கு ஜாமீன் வழங்கப்பட்டு அவரும் வெளியே வந்து விட்டார். 3 ம் தேதி சென்னை வருகிறார் என்று அனைவரும் எதிர்பார்க்கின்றனர் இந்த சிறை வாழ்க்கை கனிக்கு தமிழக அரசியலில் முக்கியத்துவம் கிடைக்கும் என்று அனைவரும் எதிர்பார்க்கலாம்..

என்ன கனி வந்துட்ங்கா ராசா ???????

...............................................................................................

முல்லைப்பெரியாறு விவகாரத்தையொட்டி தமிழகத்தில் இருந்து கேரளா செல்லும் வாகனங்கள் எல்லையிலேயே தடுத்து நிறுத்தப்படுகின்றன. ஆனால் கேரளா வாகனங்கள் மட்டும் தமிழகத்திற்குள் தங்குதடையின்றி வந்து போய்க் கொண்டுள்ளன.

வெட்கம் மானம் ரோசமுள்ள கேரளாக்காரர்கள் தமிழ்நாட்டுக்கு வராமல், தமிழ்நாட்டில் வாழாமல் கேராளவே திரும்பினால் இன்னும் சந்தோசம் தான்...

................................................................................................

பிரான்ஸ் தலைநகர் பாரிஸ் அருகேயுள்ள பியாஸ் என்ற நகரை சேர்ந்தவர் கிறிஸ்டோபி சேம்பியனாஸ் (35). இவரது மனைவி சார்லின் (25), இவர்களுக்கு பாஸ்டியன் என்ற 3 வயது மகன் இருந்தான். இவன் அங்குள்ள ஒரு நர்சரி பள்ளியில் படித்து வந்தான். படு சுட்டியான இவன் தன்னுடன் படிக்கும் சக மாணவனின் ஓவியத்தை வீணடித்ததாக கூறப்படுகிறது.

எனவே, பள்ளி நிர்வாகம் கிறிஸ்டோபியை அழைத்து கண்டித்தது. இதனால் ஆத்திரம் அடைந்த அவர் தனது மகன் பாஸ்டியனின் கை, கால்களை கட்டி வாஷிங் மெஷினுக்குள் போட்டார். பின்னர் சுவிட்சை ஆன் செய்து துணி சலவை செய்வது போன்று அவனை துவைத்து எடுத்தார்.

இதனால் அவன் தலை மற்றும் கை, கால்களில் அடிபட்டது. இதை சிறிது நேரம் வேடிக்கை பார்த்து கொண்டிருந்த அவரது மனைவி சார்லின் இதுகுறித்து அக்கம் பக்கத்தினரிடம் தெரிவித்தார். அவர்கள் வந்து கிறிஸ் டோபியை தடுத்து நிறுத்தி சிறுவன் பாஸ்டியனை வாஷிங் மெஷினியில் இருந்து மீட்டனர். படுகாயங்களுடன் இருந்த அவனை ஆஸ்பத்திரிக்கு கொண்டு சென்றனர். ஆனால், அவன் ஏற்கனவே இறந்து விட்டதாக டாக்டர்கள் தெரிவித்தனர்.

இங்கு எத்தனையோ குடும்பங்கள் குழந்தை இல்லாத அல்லாடிகிட்டு இருக்கு இவனுக இப்படி இருக்கானுக..

................................................................................................

இன்று முதல் பெட்ரோல் விலை லிட்டருக்கு மீண்டும் 0.85 பைசா குறைப்பு.. சந்தோசமான விசயம் தான் ஆனால் இது தொடரனும்... விலை குறையறத சொன்னேன்...

..................................................................................................

சில்லரை வர்த்தகத்திற்கு அன்னிய நேரடி முதலீட்டை அனுமதிப்பதற்கு ஏற்பட்டுள்ள எதிர்ப்பு பாராளுமன்றத்தின் இரு அவைகளிலும் மீண்டும் நடக்க விடாமல் எதிர் கட்சிகள் கடும் எதிர்ப்பு..

எப்படியோ ஓட்டு போட்ட மக்களுக்காக கேள்வி கேட்கவில்லை என்றாலும், எதிர்ப்பாவது தெரிவிக்கிறார்களே...

முதன் முறையாக இந்த பிரச்சனைக்காக மத்திய அரசு கூட்டணிக்கட்சிகளுக்கு அழைப்பு விடுத்துள்ளது. இதற்கு முன் பெட்ரோல் விலையேற்றம் மற்றும் மத்த பிரச்சனைகளில் கூட்டணி அரசை கண்டுகொள்ளாத மத்திய அரசு இன்று அழைக்கிறது...

கூட்டணிக்கட்சிகள் எப்படா கூப்பிடுவாங்க என்று இருக்கிறார்கள் இவர்களும் சென்று மத்திய அரசுக்கு நிச்சயம் ஆதரவளிக்கத்தான் போகிறார்கள்...

..................................................................................................

இன்று தமிழகமெங்கும் கடை அடைப்பு நடத்தி தமிழ்நாடு வணிகர்கள் மத்திய அரசுக்கு எதிர்ப்பு தெரிவிக்கின்றனர் என்ன தான் எதிர்ப்பு தெரிவித்தாலும் செவிடன் காதில் சங்குதிய கதைதான்...

..................................................................................................

இன்று எய்ட்ஸ் தினம்.... எய்ட்சை எதிர்ப்போம் வராமல் காப்போம்... எய்ட்ஸ் நோயாளிகளை ஆதரிப்போம்...

..................................................................................................

அடுத்த இடைத்தேர்தலுக்கு தயாராகிறது தமிழகம் அது சங்கரன்கோயில் தொகுதி அநேகமாக இத்தொகுதியில் மதிமுக களம் இறங்குகிறது. ஆளும் கட்சிக்கும் , மதிமுகவிற்கும் சரியான போட்டியாக இருக்கும் என்று எதிர்பார்க்கலாம்...

தகவல்

தற்போது உலகம் முழுவதும் நீரிழிவு நோயினால் மக்கள் மிகவும் அவதிப்பட்டு வருகின்றனர். அதற்கான மருந்து மாத்திரைகளை சாப்பிட்டு வருகின்றனர். அவைகளை தவிர்த்து இந்த நோய் குணமாகும் வழியை நிபுணர்கள் கண்டறிந்துள்ளனர். நெதர்லாந்தை சேர்ந்த லெய்டன் பல்கலைக்கழக நிபுணர்கள் புதிதாக ஒரு ஆய்வு மேற்கொண்டனர்.

அதன்படி இரண்டாம் பிரிவு நீரிழிவு நோயை உணவு கட்டுப்பாட்டின் மூலம் முற்றிலும் குணப்படுத்த முடியும். அவர்கள் குறைந்த சக்தி (கலோரி) தரும் உணவு வகைகளை 4 மாதங்கள் தொடர்ந்து சாப்பிட்டு வந்தால் போதும். அவர்களை பாதித்துள்ள நீரிழிவு நோய் குணமாகி விடும்.

இதன்மூலம் அளவுக்கு அதிகமாக இன்சுலின் சுரப்பது குறையும். இதன் மூலம் இருதயத்தில் கொழுப்பு படிவது தடுக்கப்படும். இதன்மூலம் இருதயத்தின் செயல்பாடு நன்றாக இருக்கும் என்றும் தெரிவித்துள்ளனர்.

அறிமுக பதிவர்

இந்த வார அறிமுகப்பதிவர் தினம் ஒரு ஆன்ட்ராய்டு அப்ளிக்கேசன் என்ற பெயரில் தினமும் ஆன்ட்ராய்டு அப்ளிக்கேசன் பற்றிய விபரங்களை தருகிறார்கள்.. மிகவும் பயன் உள்ளதாக இருக்கிறது இப்பதிவு...

http://365androidapps.blogspot.com/2011/11/barcode-scanner_2978.html

தத்துவம்

மது அருந்துவது மக்கள் அறியாமலேயே எத்தகைய கேடுகளை அவர்களுக்கு உண்டாக்குமோ, அது போல மக்கள்தொகைப் பெருக்கமும் நாம் அறியாமலேயே சமுதாயத்திற்கு கேடு உண்டாக்கக் கூடியவை.

முழுக்க முழுக்க சர்க்கரையாக இருந்து விடாதே உலகம் உன்னை விழுங்கிவிடும்...

உழைக்கும் மக்களே ஒன்று சேர்ந்திடுங்கள். பேதப்படுத்தும் சக்திகளை ஒதுக்கித் தள்ளிடுவீர். உழைப்பவரே உயர்ந்தோர் என்னும் தத்துதவத்தை நிலைநாட்டுவீர்.

ஆண்களுக்கான அழகு " டிப்ஸ் "

2011-11-29T21:26:00.001-08:00

அழகு குறிப்புகள் என்றால் பெண்களுக்கு மட்டும் தான் எப்போதும் இருக்கும் ஆண்களுக்கு அதிகம் இருக்காது. நம் வீட்டிலேயே எதாவது நிகழ்ச்சிக்கு செல்ல வேண்டும் எனில் ஆண்கள் 5 நிமிடத்தில் புறப்பட்டு விடுவார்கள் பெண்கள் புறப்பட 50 நிமிடம் ஆகும் அவர்களின் அலங்காரத்துக்கு நேரம் செலவாகும்.

ஆண்களும் தற்போது அழகில் அதிக கவனம் செலுத்துகின்றனர் முக்கியமாக திருமணம் ஆகப்போகும் இளைஞர்கள் இவர்களுக்கான சில சிப்ஸ்...

முகம்

சில ஆண்களுக்கு டீன் ஏஜில் ஏற்படும் மிகப்பெரிய பிரச்னை முகப்பரு சில நாட்கள் இருந்தாலும் அதன் வடு மாறாது. இதற்க்கு சரியான தீர்வு சாதிக்காய், சந்தனம், மிளகு இவை மூன்றையும் சேர்த்தரைத்த விழுதை பருக்களின் மீது தடவிவரவும்.

பாசிபயிறு மாவு, கடலைமாவு சிறிது தயிர் சேர்த்து குளிக்கும் போது அல்லது முகம் அலசும் போதும் இந்த பேஸ்டை பயன்படுத்தவும்

பெரும்பாலான ஆண்கள் தங்களை அழகு படுத்தி கொள்வதே இல்லை.அவர்களை பொருத்த வரையில் முக அலங்காரம் என்பது ஷேவ் செய்வதும் மீசையை அழகு படுத்தி கொள்வது மட்டுமே

நீங்கள் முகசவரம் செய்து கொள்வது மட்டும் அல்லாமல் பேசியல் செய்து கொள்ளலாம்.முகத்திற்கு க்ரிம் தடவி உங்களை அழகு படுத்தி கொள்ளலாம்.அவ்வாறு முகபள பளப்புடனும் ஜொலிப்புடனும் இருக்கின்ற ஆண்களை தான் பெரும் பாலும் பெண்கள் விரும்புகின்றனர் எனவே கொஞ்சம் முகசவரம் செய்து கொண்டு முகத்தை அழகு படுத்திடுங்கள்

முகம் வரட்சியினை போக்க:

கொத்துமல்லி மற்றும் புதினா இவற்றை சேர்த்து கெட்டியாக அரைத்து, முகத்தில் வாரம் ஒருமுறை பூசி வரலாம்.

ஆலிவ் எண்ணெயுடன் எலுமிச்சைச்சாறு கலந்து, முகத்தில் தடவி வந்தாலும் முக வரட்சி மாறும். வெயிலில் செல்லும்போது, சன் ஸ்கிரீன் அடங்கிய ஃபேர்னெஸ் க்ரீம் பயன்படுத்தலாம். இதைக் கை கால்களுக்கும் அப்ளை செய்து கொள்ள வேண்டும்.

உதட்டுக்கு வேசலீன் அடங்கிய லிப் ஜெல்களைப் பயன்படுத்தவும்

கை மற்றும் கால்களில் நகங்களை ஒட்ட வெட்டி நீட்டாக வைத்திருப்பதே ஆண்களுக்கு அழகு.

சருமம்

பெண்களை பொறுத்த வரையில் ஆண்கள் முகத்திற்கும் சருமத்திற்கும் கவனம் செலுத்துவதே இல்லை

.பெண்கள் ஆண்மை தன்மையை மட்டும் விரும்புவது இல்லை.அழகிற்கு தான் அதிக முக்கியத்துவம் தருவார்கள்.சில ஆண்களுக்கு முகசுருக்கங்களும் பருக்களும் அவர்கள் அழகையே கெடுத்து விடும்.

நீங்கள் உங்களுக்கான க்ரிம்களை தடவி உங்கள் சருமத்தை அழகு படுத்திடுங்கள். நீங்கள் சருமத்தின் மீது கவனம் செலுத்துங்கள்பின்பு பெண்கள் உங்கள் மீது கவனம் செலுத்த ஆரம்பிப்பார்கள்

பற்கள்

முகத்திற்கு புன்னகை சேர்க்கும் விதமாக விளங்குவது பற்கள். அப்பற்களை எவ்வளவு சுத்தமாக பாதுகாத்து கொள்ள வேண்டும்.ஆனால் புகைபிடிப்பது காபி டீ பருகுவது என பற்களின் நிறத்தை கெடுத்து கொள்கிறார்கள்

பற்களின் நிறத்தை பளிர்நிற வெண்மைக்கு கொண்மைக்கு கொண்டுவர பல சிகிச்சை முறைகள் வந்து விட்டன.தினமும் இருமுறை பல்துலக்குவதே பற்களின் பாதுகாப்புக்குப் போதுமானது.

தலைமுடி

கூந்தல் ஆண்களும் தலைமுடியை பராமரிப்பதில் நல்லஆர்வம் காட்டுகிறார்கள்.

கவர்ச்சிகரமாக முடிவெட்டிக் கொள்வது, அவ்வப்போது ஸ்டைலை மாற்றிக் கொள்வது இளைஞர்களின் வாடிக்கையாக இருக்கிறது. இதுமட்டும் கேசப் பராமரிப்பிற்குப் போதுமானதல்ல. முடிகள் உடைந்து, உதிர்ந்து போகாமல் பார்த்துக் கொள்வது அவசியம்.

தலையில் பொடுகுகள் பெருகுவது இதுபோன்ற பாதிப்புகளை ஏற்படுத்தும். எனவே சீயக்காய், ஷாம்பு போன்ற ஏதாவது ஒன்றைத் தொடர்ந்து பயன்படுத்துவதன் மூலம் கூந்தலைப் பராமரிக்கலாம்.

ஆடை மற்றும் அணிகலன்கள்

ஆள் பாதி ஆடை பாதி என்பார்கள். ஆண்கள் ஆடைகளைத் தேர்வு செய்யும்போது, நீங்கள் போகவிருக்கும் நிகழ்ச்சியைப் பற்றி மனதில் கொள்ள வேண்டும்.

நண்பர்களுடம் போவதாக இருந்தால் நார்மல் உடையே போதுமானது
நெருங்கிய உறவினர் விட்டு திருமண நிகழ்ச்சிக்கு போகும் போது சேர்வானி டிரேஸ் நன்றாக இருக்கும் சின்ன நிகழ்ச்சிக்கு ஜீன்ஸ் அணிந்துகொண்டு அதற்குப் பொருத்தமாக வெள்ளை குர்தா அணிந்தால்,கேஷுவலாகவும், கவர்ச்சியாகவும் இருக்கும்.

இன்னும் தென்னிந்திய அழகு கிடைக்க, பட்டுவேட்டியும் ஜிப்பாவும் நல்ல காம்பினேஷன். அழகக இருக்கும் ஆடைகள் வாங்கும் போழுது வெள்ளை, கறுப்பு, க்ரே, லைட்பிங்க், லைட்ப்ளூ லைட் எல்லோ, போன்ற நிறங்கள் ஷர்ட்களுக்கு நல்லாய் இருக்கும்.

எல்லோரிடமும் கல கலப்பாக பேசுங்கள்.நல்ல பேச்சாளன் என்ற பெயரை வாங்குங்கள்.அப்போதுதான் நீங்கள் ஒரு இடத்தைவிட்டு நகர்ந்தாலும் அங்கு உங்களின் நினைவை நீங்காமல் இடம்பெறச் செய்வது உங்களது கனிவான பேச்சுதான்.

உதடுக்கு

சில ஆண்கள் சிகெரட் குடித்து உதடுகள் கருமையாக இருக்கும் அதனை போக்க பீட்ரூட் சாறு, அல்லது புதினா இலை சாறு, அல்லது மாதுளை சாறு எடுத்து உதடுகளில் பூசி வர உதடுகள் சிகப்பாக மாறிவிடும். (தொடர்ந்து சிகெரட் குடிப்பவர்களுக்கு இந்த டிப்ஸ் பயனில்லை).

அதிகரிக்கும் முதிர் கண்ணன்கள்

2011-11-27T22:19:00.001-08:00

கடந்த காலங்களில் குழந்தைகள் விடுமுறை விட்டால் தாத்தா வீட்டுக்கு சென்று தாத்தா, பாட்டியோடு ஆட்டம் பாட்டத்துடன் இருப்பார்கள் இனி வரும் காலங்களில் பேரக்குழந்தைகளோடு கொஞ்சி குழாவி மகிழ வருங்கால தாத்தாக்கள் அந்த உடல் நலத்தோடு இருப்பார்களா என்றால் நிச்சயம் சந்தேகம் தான்...

இதற்கு முந்தைய தலைமுறையினர் அதிகபட்சம் 25 வயதில் திருமணம் செய்து கொண்டனர் இதனால் தங்களது மகனுக்க 25 ஆகும் போது அவர்களுக்கு 50 வயதாகி இருக்கும் தன் மகனுக்கு 26 அல்லது 27ல் திருமணம் செய்து வைத்து தங்களது பேரன் பேத்திகளோடு நல்ல உடல் ஆரோக்கியத்தோடு விளையாட முடிந்தது. இளமைகாலங்களிலும் சந்தோசமாக வாழ முடிந்தது.

இப்போதைய இளையஞர்கள் படித்து முடித்தவுடன் வேலை எதிர்பார்க்கின்றனர் வேலை கிடைத்ததும் திருமணத்தை பற்றி யோசிப்பதில்லை கேட்டால் இன்னும் அதிக சம்பளத்தில் வேலையில் சேர வேண்டும் வாழ்க்கையில் ஒரு நல்ல இடத்தில் செட்டில் ஆக வேண்டும் பின்பு தான் திருமணத்தைப்பற்றி யோசிக்க வேண்டும் என்கின்றனர்.

இன்றைய இளைஞர் தனது இளமைக்காலங்களை சம்பாரிப்பதற்கு தான் அதிக முக்கியத்துவம் கொடுக்கின்றனர் இது தவறில்லை ஆனால் சம்பாரிக்கும் வயதில் இளமையை தவறு விடுகின்றனர் என்பது தான் இதில் கவனிக்கவேண்டியது. இன்றைய கலாச்சாரத்தில் லிவிங்டுகெதர் அதிகம் இருப்பது சற்றே இளப்பாருகிறார்கள் என்று கூறலாம். குடும்ப சூழ்நிலையை கருத்தில் கொண்டு இளைஞர்கள் வேலைக்கு அலையும் போதும் குறைந்த சம்பளத்தில் வேலையில் இருக்கும் போது அவர்களது இளமைக்காலங்கள் கட்டாயமாக அமுக்கப்படுகிறது.

கலாச்சார சீர்கேடு என்று நகரங்களிலும், இப்பெவெல்லாம் காலம் கெட்டுப்போச்சு என்று கிராமப்புறங்களிலும் சொல்பவர்கள் சரியான வயதில் திருமணம் செய்து வைத்தால் இப்பிரச்சனைக்கு ஓரளவு தீர்வுகாணலாம். ஆனால் அதை அனைவரும் செய்ய மறுப்பர் காரணம் இன்னும் செட்டில் ஆகவில்லை இன்னும் சம்பாரிக்க வேண்டும் என்ற கனவால் திருமணத்தைப்பற்றி யோசிப்பதில்லை.

என் நண்பன் இன்று சென்னையில் பெரிய கம்பெனியில் உயர்ந்த பதவியில் அளவுக்கு அதிகமான சம்பளம் வாங்குகிறான் எங்கள் ஊரைச் சேர்ந்தவன் அவன் வயது 33 இன்னும் திருமணம் ஆகவில்லை எப்ப கேட்டாலும் அவன் அப்பா சொல்வது பார்த்துகிட்டே இருக்கிறோம் ஒன்னும் செட்டாக மாட்டிங்கு அவனுக்கு செவ்வாய் இல்ல சுத்த ஜாதகம் எப்படியும் இன்னும் 2 வருடத்தில் முடித்துவிடுவேன் என்கிற அவருக்கு வயது 65. அவனைக்கேட்டால் என்னடா செய்யறது வீட்ல பார்த்து முடிக்கட்டும் என்று இருக்கிறேன் என்கிறான். இவனைப்போல் முதிர்கண்ணன்கள் அதிகரித்துக் கொண்டே இருக்கின்றனர்.

பெண்களில் 27 வயதுக்கு மேல் திருமணம் செய்யும் பெண்கள் அதிகம் பேர் சிசேரியன் மூலம் தான் குழந்தை பெற்றுக்கொள்கின்றனர் என்று ஒரு கருத்து கணிப்பு கூறுகிறது. முன்னர் சரியான நேரத்தில் பெண்ணுக்கு திருமணம் செய்யும் போது அவர்களது உடல் அமைப்பில் மாற்றம் வர வர குழந்தை பேரு இயற்கையானதாக இருக்கிறது. தற்போது தான் சிசேரியன் பழக்கம் அதிக அளவில் உள்ளது கடந்த காலங்களில் 5, 6 குழந்தை பெற்றவர்கள் எல்லாம் இயற்கையாகத்தான் குழந்தை பெற்றுள்ளனர். தற்போது அது குறைந்து வருகிறது.

வயது அதிகமாக திருமணம் செய்வதால் குழந்தை இல்லாமல் தவிப்பர்கள் இன்று ஏராளம் இதற்கான மருத்துவமனைகளில் இன்று கூடும் கூட்டத்தை கண்டாலே தெரியும்.

30 வயதில் இருந்து 35 வயதுக்குள் தான் இன்று அதிகம் திருமணம் செய்கின்றனர் அவ்வாறு செய்யும் போது அவர்களது வாழ்க்கையில் பாதி வருடங்கள் முடிவடிந்து விடுகிறது நம் ஆட்களின் சராசரி ஆயுட்காலம் 65 என்கின்றனர். பாதி வாழ்க்கையில் திருமணம் செய்து தன் மகன் அல்லது மகளுக்கு திருமணம் முடிக்கும் போது அவர்களுக்கு 65 வயதாகிவிடுகிறது தங்கள் பேரன் பேத்திகளோடு அந்த கால தாத்தாக்கள் போல இந்தக்கால, வருங்கால தாத்தாக்கள் இருப்பார்களா என்றால் நிச்சயம் சந்தேகம் தான்...

நிச்சயம் இன்று விற்கும் விலைவாசிக்கு நல்ல சம்பாரித்தால் தான் குடும்பம் நடத்த முடியும் என்பது நன்றாக தெரியும் ஆனால் அந்த 24 வயதில் இருந்து 30 வயதுவரையான இளமைக்காலங்களை இழக்கின்றனர் என்பது தான் என் கருத்து.

பணம் எப்போது வேண்டுமானாலும் சம்பாரிக்கலாம் ஆனால் வயது???????

நண்பனின் காதல் திருமணம்....

2011-11-18T20:43:00.001-08:00

நான் எனது ஒரு சில நண்பர்களின் காதல் திருமணத்திற்கு (அதுதாங்க ஓடிப்போய் கல்யாணம் பன்றது) துணை நின்று நடத்தி இருக்கின்றேன் அதில் ஒரு மறக்க முடியாத நான்(பன் வாங்கிய) எனது நண்பன் திருமணத்தின் அந்த திக் திக் சில நிமிடங்களை உங்களுடன் பகிர்து கொள்கிறேன்.....

நாங்கள் ஒரு 6 நண்பர்கள் கோவையில் ஒரு வீடு எடுத்து தங்கியிருந்தோம். அங்க பல சுவரசியமான, சிரிக்கும் படியான, குத்து வாங்கிய பல நிகழ்வுகள் நடந்தன, அதில் நாங்கள் அனைவரும் இணைந்து நடத்திய திருமணம் இது.

எங்கள் நண்பன் பாலா (கதையின் நாயகன்) கோவயைில் ஒரு பிரபலமான பைனான்சில் வேலை செய்தான் அவனுக்கு ப்ரமோஷன் கிடைத்து திருப்பூர் சென்றான் இவர் அங்க மேனேஜர். அதே ஆபிசில் அந்த கிளையின் இன்சார்ஜ் கீதா இவரு போய் மூன்று மாதங்களில் இருவருக்கும் பத்திகிச்சு.

அப்புறம் ஒரு 5 மாதங்கள் கழிச்சு நண்பன் எங்ககிட்ட வந்து நான் திருமணம் செய்தால் அவளைத்தான் செய்வேன் மணந்தால் மகாதேவி இல்லையேல் மரணதேவி என்று வசனம் பேசினான் என்ன பன்றது நண்பனாச்சே
என்னுடன் தங்கியவர்களில் இருவர் வக்கீல் சொல்லவேண்டுமா எங்களுக்கு உடனே திருமணத்திற்கு நாள் குறித்து இடம் குறிச்சோம்...

நாள் ஒருவாரம் கழித்து புதன்கிழமை இடம் கோவையில் உள்ள ஒரு பிரபலமான கோயில். கோவிலுக்கு விசாரிக்க வக்கீலும், சுரேசும் போனார்கள் அங்க என்னடான்னா காதல் திருமணம் இங்க அனுமதி இல்லை வேனும்னா வெளிய விநாயகர் கோயில்ல வெச்சு பண்ணிக்கலாம். இதற்கு புரோகிதர் வர மாட்டேன் என்கிறார். அவருக்கு பதில் காதல் திருமணத்திற்கு என இருக்கும் ஒருவருக்கு ரூ.500 கொடுத்ததும் அவர் சரி என்று சொல்லிவிட்டர். மற்ற நண்பர்கள் பட்டுப்புடவை, வேஷ்டி, மாலை மற்றும் தாலி திருமணத்திற்கு தேவையான அனைத்துப்பொருட்களும் ஒரு ரூ.25000 ரெடி பண்டி வாங்கியாச்சு.

திருமண நாள் அன்று இரண்டு நண்பர்கள் பெண்ணை அழைத்துவர நடுராத்திரி 5 மணிக்கு போய்ட்டாங்க அப்புறம் நான், வக்கீல் சங்கர், சுரேஷ் கோவில்ல செய்ய வேண்டிய வேலை எல்லாம் ரெடி செய்து கொண்டு இருந்தோம். பொண்ணு இன்னும் வரல. கூட போனவங்க செல்லும் நாட் ரீச்சபல் என்னு பன்றது டென்சன், டென்சன்,டென்சன்.....

ஒரு அரைமணி நேரம் கழிச்சு நண்பன்கிட்ட இருந்து போன் மச்சி பொண்ணு இன்னும் வரலனு. என்னடா பன்றது மணி இப்பவே 8 ஆச்சசுனு டென்சனின் உச்சியில் இருக்கும் போது அடுத்த போன் பொண்ணு பொண்ணு வீட்டு பின்னாடி வழியா ஒரு 5 கீலோ மீட்டர் நட்ந்து வந்து பனியன் கம்பெனி பக்கதில இருக்குது நாங்க பிக்கப் பன்னிட்டு 1 மணி நேரத்தில்
வந்து விடுவோம் நீங்க ரெடியா இருங்க.

இந்த சமயத்தில் கோவில்ல பார்த்த கிட்டத்தட்ட அன்று மட்டு 20 கல்யாணம் நானும் சுரேசும் மத்த கல்யாணத்துக்கு வந்த பொண்ணுகனை சைட் அடிச்சிட்டு இருந்தோம்.

9 மணி பொண்ணு மாப்பிள்ளை வந்தாச்சு நான் போட்டோகிராபர் அளாளுக்கு ஒரு வேலை செய்ய அய்யர் அவர் வேலையை செய்ய திருமணம் நல்ல நேரத்தில் சுபமா முடிந்தது. அடுத்தது என்ன செய்யலாம்னு முடிவெடுக்கும்
போது முதல்ல சாப்பிடலாம்னு ஒட்டல் ஆர்யாஸ்ல சாப்பிட்டுவிட்டு அடுத்த முடிவ எடுத்தோம். பொண்ணு வீட்டுக்கு போன் செய்து முடிவு செய்து மாப்பிள்ளைய பேசச் சொன்னோம்.

மாப்பிள்ளை பொண்ணு வீட்டுக்கு போன் செஞ்சா நாலு தடவை போன் எடுக்கல எங்களுக்கு பி.பி ஏறிருச்சு. மறுபடியும் ரிங்போகுது நண்பர்கள் ஸ்பீக்கர் ஆன்ல அவங்க அப்பா ஒரு வழியா
போன எடுத்தார். மாப்பிள்ளை பேசினான் உங்க பொண்ணும் நானும் உங்க பொண்ணும் கல்யாணம் பண்ணிட்டாங்க இப்பதான் நடந்துச்சுன்னு மாப்பிள்ளை சொல்ல...

சும்மா ஒரு 5 நிமிடம் திட்டுட்டு( செம திட்டு) கடைசியா சொன்னார்.எங்கிட்ட காலைல சொல்லி இருந்தா நானும் வந்து இருப்பேன்ல ஏன் சொல்லவில்லைனு கொஞ்சம் டென்சனா பேசினார்.

அடுத்து இரண்டு குடும்பமும் பொது இடத்தில் பஞ்சாயத்து பேசி மறுபடியும் இன்னொரு திருமணம் அவங்க குடும்பத்துடன் பவானி கூடுதுறையில் நடத்தினார்கள்.

இதில் மிக முக்கியமான விசயம் பொண்ணும் எங்க நண்பனும் குடும்பத்தோட நடந்த திருமணத்திற்கு எங்கள கூப்பிடவே இல்லை....

நண்பன் தானே எங்கிருந்தாலும் வாழட்டும் என்று சந்தோசமாக இதை கண்டுக்கல அவனை மறுபடியும் நாங்களும் கேக்கல...

இது ஒரு மீள் பதிவு.... இரண்டு வருடத்திற்கு முன்னால் எழுதியது.. நேற்று நண்பனை எதாச்சையாக பார்த்தேன் எப்படி டா இருக்கேன்னு கேட்டா இல்லடா எனக்கு அவளுக்கும் ஒத்து வரல விவாகரத்து செய்யலாம்ன்னு ரெண்டு பேரும் முடிவு செய்து அப்ளை செய்திருக்கிறேன் என்றான்...

என்ன சொல்ல அவனிடம் ஓகே பாரு என்று வந்துட்டேன்...

இதுக்காட உனக்கு கல்யாணம் செய்து வைத்தோம் தூரத்தில் இருந்தாலும் சந்தோசமாக இருக்கிறேன் என்று சொன்னால் நிம்மதியாக இருக்கும் திருமணம் செய்த போது இருந்த நண்பர்களிடம் பேசினேன் ரொம்ப வருத்தப்பட்டது அவனை விட நானும் எனது நண்பர்களின் குடும்பமும் தான்....

கணவனும் மனைவியும்...

2011-11-17T21:40:00.001-08:00

"என்னடி ராதா கல்யாணம் ஆகி 4 மாதம் ஆச்சு எப்படி இருக்கு சென்னையும், உன் திருமண வாழ்க்கையும் எப்படி இருக்கு?"

"நல்லாயிருக்கும்மா"

"உம்புருஷன் சென்னையிலேயே 10 வருசமா இருக்கிறாரு உன்னைய ஊர் சுத்திக்காட்டறாரா?"

"ம்.. அதுக்கென்னம்மா குறை நான் கேக்கமலேயே வெளியே கூட்டிட்டுப்போய் நிறைய சுத்திக்காட்டுகிறார்"

"சம்பளம் எல்லாம் உன் கையில தராரா இல்ல அவரே வெச்சிக்கிறாரா?"

"எல்லாம் ஏடிஎம் கார்டுதான்ம்மா"

"என்னடி. அம்மாவும், மகளும் பேசிகிட்டே இருக்கீங்க? சீக்கிரம் கோழிய அடிச்சு குழம்பு வையுங்க மத்தியானம் மருமகன் அவர் சிநேகிதன் வர்றாராம்"

"சும்மா கத்தாதீங்க மருமகன் முன்னாடியே சொல்லிட்டாரு!"

"ஏன்டி சிரிக்கிற?"

?இல்லம்மா எம் புருஷன் காலைல 5 மணிக்கு எழுந்து எக்ஸர்சைஸ் எல்லாம் முடிச்சிட்டு 5அரை மணியில் இருந்து வீட்டு வேலை, சமையல் வேலை எல்லாம் எனக்கு ஒத்தாசையா இருப்பாரும்மா"

"மாப்பிள்ளை சமைப்பாராம்மா?"

"ம்.. என்ன நச்சரிக்கமா அவரே சாப்பாடு எடுத்து வைச்சு டைமுக்கு புறபட்டுருவாரு.. மாலை வந்தது துணிகளை எல்லாம் எடுத்து வாசிங்மெசின்ல போட்டு அவரே காயவைச்சு எல்லா வேலையையும் இழுத்து போட்டு செய்வாரும்மா"

"இந்த சுத்து வட்டாரத்துல எத்தனை பேரை விசாரித்து இந்த மாப்பிள்ளைய உனக்கு கட்டி வெச்சோம்! நாங்க புடிச்ச மாப்பிள்ளைன்னா சும்மாவா!! கேக்கவே சந்தோசமா இருக்கு ராதா!!!"

"போம்மா எம்புருஷன் என்னை சோதிக்கிறாரும்மா?"

"என்னடி சொல்ற?"

"ஆமாம்மா இவரு ஆபீஸ் விட்ட நேரா வீட்டுக்கு வந்தருவாரு குடி, சிகெரெட், தண்ணி என எந்த பழக்கமும் இல்ல அவருகிட்ட குறையே கண்டுபிடிக்க முடியலம்மா?"

"இப்படி ஒருத்த கிடைக்கரதுக்கு கொடுத்து வச்சிருக்கனும் ராதா!"

"போம்மா. ஒரு பொண்டாட்டிக்கு, புருஷனை ஆட்டிவைக்கணும், புருஷன் செய்யற தப்பைக் கண்டுபிடிச்சு வசைபாடணும், காதைத்திருகி குட்டி வைக்கணும்னு... இப்படியெல்லாம் ஆசை இருக்காதா?! இப்படி என் ஆசை எதையுமே நிறைவேற்றிக்க முடியாம இவர் என்னை ஒரேயடியா இப்படி சோதிச்சா எப்படி?!’’